U druhim tury za Bośniju i Hiercahavinu prahałasavali 112 dziaržaŭ, za Biełaruś — 72.
Biełaruś nie prajšła ŭ Radu AAN pa pravach čałavieka. Členami savieta ad Uschodniaj Jeŭropy stali Słavienija (u pieršym tury hałasavańnia) i Bośnija i Hiercahavina (u druhim). Hałasavańnie adbyłosia 17 maja na pasiadžeńni Hienieralnaj asamblei AAN u Ńju‑Jorku.
U pieršym tury za Słavieniju prahałasavali 168 sa 190 dziaržaŭ, za Bośniju i Hiercahavinu — 95, za Biełaruś — 78 (dla abrańnia ŭ saviet kraina‑kandydat pavinna nabrać nie mienš za 97 hałasoŭ).
U druhim tury za Bośniju i Hiercahavinu prahałasavali 112 dziaržaŭ, za Biełaruś — 72.
***
Napiaredadni pasiadžeńnia Hienasamblei AAN šerah mižnarodnych pravaabarončych struktur vystupili suprać vyłučeńnia kandydatury Biełarusi na členstva ŭ Saviecie pa pravach čałavieka.
U pryvatnaści, Mižnarodnaja Chielsinkskaja fiederacyja ŭ svaim zvarocie da Hienasamblei AAN zaznačała, što situacyja z pravami čałavieka ŭ Biełarusi najhoršaja ŭ Jeŭropie. "Nielha zrabić svoj uniosak u zaachvočvańnie i abaronu pravoŭ čałavieka na mižnarodnym uzroŭni pierš, čym pačać pavažać hetyja pravy ŭ siabie doma. Abrańnie Biełarusi členam Savieta AAN pa pravach čałavieka surjozna pachiśnie davier da hetaha orhana", - havaryłasia ŭ zvarocie MCHF.
Pravaabarončyja arhanizacyi "UN Watch" i "Freedom House" zajavili ab tym, što Anhoła, Biełaruś, Jehipiet i Katar nie zasłuhoŭvajuć miesca ŭ Saviecie AAN pa pravach čałavieka.
Ab niedapuščalnaści abrańnia Biełarusi zajaviŭ i Kamitet pa pravavych pytańniach i pravach čałavieka Parłamienckaj asamblei Savieta Jeŭropy. U zajavie padkreślivałasia, što vyłučeńnie Biełarusi ŭ jakaści kandydata źjaŭlajecca "skandalnym", uličvajučy niespryjalnyja spravazdačy ab situacyi z pravami čałavieka ŭ krainie i nievykanańnie joju asnoŭnych kryteryjaŭ AAN.
Ciapier čytajuć
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary