"Ničoha asabistaha, tolki biznes!"
Dla ajčynnych naziralnikaŭ intryha palahała ŭ tym, ci sustrenucca ŭ Pieciarburzie Pucin z Łukašenkam tet-a-tet. Piša ŭ svaim błohu Alaksandar Kłaskoŭski.
Dla naziralnikaŭ testam było, ci sustrenucca ŭ Pieciarburzie Pucin z Łukašenkam tet-a-tet. Nie sustrelisia.
U toj samy čas haspadar Kramla znajšoŭ čas dla pieramovaŭ sam-nasam z Saakašvili i Juščankam. Toje, nakolki niaprostyja ŭ Pucina stasunki z abodvuma, doŭha davodzić nia treba. I ŭ abodvuch vypadkach byli zrobleny symbaličnyja žesty prymireńnia. Hruzinam paabiacana ŭ rečyščy stabilizacyi dačynieńniaŭ skasavać handlovyja sankcyi. A ź Juščankam damoŭlena spynić praktyku "čornych śpisaŭ" (Žyrynoŭski i Zatulin zmohuć jeździć u Krym :-)
Biełarusi nie paabiacana ničoha. Kreml nie pasłuchaŭsia navat parady rasiejskaha eksperta Dzialahina :) Toj davodziŭ, što niakiepska było b u Piciery skarystacca nahodaj i zamirycca z Łukašenkam. A to, kryj boža, uvosień zładzić ź Kijevam antyrasiejski tranzitny chaŭrus. Tym bolej što tam nieŭzabavie moža vieści rej pasijanarnaja Cimašenka. (Vo sapraŭdy było b ekzatyčna: suprać Maskvy — na paru z pamarančavaj pryncesaj! :-))
Karaciej, u stasunkach ź biełaruskim kiraŭnikom Kreml demanstracyjna trymaje paŭzu. "Ciažka skazać, što tam pieravažaje — elementarnaja kryŭda ci chałodny raźlik, ale fakt toje, što ŭ dačynieńniach ź Mienskam rasiejskaje kiraŭnictva zachoŭvaje mocny nehatyŭny nastroj", — takuju vysnovu robić pavodle vynikaŭ picierskaha samitu biez halštukaŭ naš ekspert Andrej Fiodaraŭ.
Miž tym ź Miensku ŭžo nie adnojčy dasyłalisia syhnały, što było b niakiepska razhrebci zavały naftahazavaj vajny, pahutaryć jak śled. Naprykład, pad markaj "adekvatnaha dy asymetryčnaha adkazu" amerykanskim planam raźmiaščeńnia elementaŭ supraćrakietnaj abarony ŭ Polščy dy Čechii.
Ale zaraz miač na baku Vašynhtonu. Tam uzvažvajuć prapanovu Pucina nakont sumiesnaha vykarystańnia RŁS u Azerbajdžanie. I Maskva, zrazumieła, pakul što nia stanie dražnić zaakijanskich husiej hulniami ŭ "asymetryčny adkaz" z dapamohaju Biełarusi.
"Što ž da ekanamičnaj platformy dačynieńniaŭ ź Mienskam, to Pucin ahučyŭ jaje dniami, — nahadvaje Fiodaraŭ. – Kali koratka, dyk "ničoha asabistaha, tolki biznes".
Ciapier čytajuć
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary