Siońnia viečaram šekśpiraŭskaje «być ci nia być» ŭźviedzienaje ŭ kvadrat. Dźvie litaraturnyja imprezy ŭ adzin čas u roznych miescach. Choć ty razarvisia.
20 červienia ŭ kaviarni «Stary Miensk» (Skaryny/Niezaležnaści, 14) adbudziecca prezentacyja knihi Sieviaryna Kviatkoŭskaha «Fraški da plaški». Siarod zaprošanych Źmicier Bartosik, Kasia Kamockaja, Uładzimier Arłoŭ. Pačatak a 18.00.
Chto prymusiŭ Stanisałava Šuškieviča adkazyvać na idyjockija pytańni? Čamu milicyjanty pavažajuć Kasiu Kamockuju? Jak Pavał Sieviaryniec navioŭ žach na rabotnikaŭ pachavalnaj kantory? Jakija lubimyja bajki ŭ Źmitra Vajciuškieviča?
Knižka litaratara i žurnalista Sieviaryna Kviatkoŭskaha “Fraški da plaški” achinaje čytača niezvyčanym śvietam zabaŭnych sytuacyjaŭ. Fraški – anekdoty žyćcia – źviazanyja ź viadomymi ŭ krainie muzykantami, palitykami, litaratarami i žurnalistami. A taksama z paspalitymi ludźmi: taksistami, pastuchami, pamiežnikami, pradaŭcami, milicyjantami i dziećmi.
Tut.by
20 červienia ŭ muzei Maksima Bahdanoviča (Trajeckaje pradmieści, Bahdanoviča, 17) adbudziecca litaraturnaja akcyja «Hrupavy partret z Karatkievičam». U miežach imprezy — prezentacyja zbornika pieramožcaŭ konkursu maładych litarataraŭ imia Ŭ. Karatkieviča «Hrupavy partret z Babaj Broniaj». Voźmuć udzieł Baba Bronia, a taksama Alesia Bašarymava, Aleś Suščeŭski, Alena Piatrovič, Maryja Martysievič, Pavał Śviardłoŭ, Pavał Ancipaŭ, Sofja Marozava, Jaŭhienija Mancevič dy inš. maładyja litaratary. Specyjalny hość — hurt «Band_A». Praviaduć imprezu Hanna Kiślicyna j Andrej Chadanovič. Pačatak a 18.00. Uvachod volny.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni33
Kamientary