№ 32 (294), 30 žniŭnia 2002 h.
prostaja mova
Mirasłaŭ Adamčyk: “Ja na baku dziaržaŭnych intaresaŭ”
U minułym numary “NN” my nadrukavali infarmacyju, atrymanuju z našych krynicaŭ u chołdynhu, pra toje, što hałoŭnaja redaktarka časopisu “Vsiemirnaja litieratura” Taisa Bondar syšła ŭ adstaŭku, a v.a. hałoŭnaha redaktara pryznačany Mirasłaŭ Adamčyk. My źviarnulisia pa kamentar da samoha M.Adamčyka, jaki hetym časam znachodzicca ŭ Maskvie.
Mirasłaŭ Adamčyk: Ja byŭ zaprošany na sustreču ź Siarhiejem Kaścianam. Havorka išła pra toj ciažki stan, u jakim apynułasia vydavieckaja sprava ŭ Biełarusi. U pryvatnaści, abmiarkoŭvalisia časopis “Vsiemirnaja litieratura” i tydniovik “LiM”. Mianie ździviła i ŭzradavała žadańnie spadara Kaściana pieravieści “Vsiemirnuju litieraturu” na biełaruskuju movu. U nas strašenna brakuje dobrych pierakładaŭ klasyčnych tvoraŭ suśvietnaj litaratury, dla ŭklučeńnia ich u padručniki i chrestamatyi. Mnie prapanavali surjozna padumać nad planami časopisu “Suśvietnaja litaratura”, čym ja i zajmajusia.
“NN”: Pra chołdynh “Litaratura i mastactva” vykazvajucca roznyja mierkavańni…
M.A.: Nia varta ździŭlacca reformam, jakija daŭno naśpieli ŭ časopisach i ŭ Sajuzie piśmieńnikaŭ. Kryzys niepasredna adbivaŭsia i na vydańniach, jakija jurydyčna naležali jamu, choć finansavańnie mieli dziaržaŭnaje. U dadzienaj sytuacyi ja adnaznačna na baku dziaržaŭnych intaresaŭ. Nieprystojna atrymlivać dziarždatacyi i, miakka kažučy, ihnaravać dziaržaŭnuju palityku.
“NN”: A svaboda tvorčaści?
M.A.: U volny ad pracy čas možna pazajmacca i svabodnaj tvorčaściu, tolki ŭ mianie amal niama volnaha času.
“NN”: Ci praŭda, što Vašym namieśnikam budzie Maksim Klimkovič, unuk Michasia Klimkoviča — aŭtara dziaržaŭnaha himnu?
M.A.: A dzie vy bačyli, kab redaktar prychodziŭ u časopis biez kamandy? Bolšaść svaich ramanaŭ i pjes ja napisaŭ u suaŭtarstvie z Maksimam, tamu i plany abmiarkoŭvaju mienavita ź im. Maksim — vydatny prafesijanał, jaki bolš za 20 hadoŭ pracuje ŭ dziaržaŭnych ŚMI. Razam my zrabili nie adzin časopis, i, kali nam prapanujuć ažyćciavić našy plany, my ich ździejśnim.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary