Na minułym tydni deputaty Pałaty pradstaŭnikoŭ Nacyjanalnaha schodu na siesii adobryli zakonaprajekt, jaki ŭchvalaje ŭniasieńnie źmianieńniaŭ i dapaŭnieńniaŭ u Pahadnieńnie pamiž uradami Litvy i Biełarusi ab punktach propusku praź dziaržaŭnuju miažu.
Litoŭski i biełaruski baki pahadzilisia, što pamiž dźviuma dziaržavami buduć isnavać tolki dva mižnarodnyja čyhunačnyja punkty propusku: Kiena (Litva) — Hudahaj (Biełaruś) i Stasiłas — Bieniakoni.
Mižnarodnych aŭtadarožnych punktaŭ propusku budzie čatyry: Łavaryškies (Litva) — Katłoŭka (Biełaruś), Miadzininkaj — Kamienny Łoh, Šalčyninkaj — Bieniakoni, Rajhardas — Pryvałka.
Taksama budzie isnavać adzin mižnarodny račny punkt propusku Šviandubre (Litva) — Pryvałka (Biełaruś). Hety siezonny punkt, jak adznačajecca ŭ Pahadnienni, budzie adkryty «dla propusku asobaŭ niezaležna ad ich hramadzianstva, jakija pierasiakajuć dziaržaŭnuju miažu ŭ biestavarnych pasažyrskich znosinach z vykarystańniem srodkaŭ vodnaha transpartu albo inšymi płyvučymi srodkami asabistaha karystańnia»…
Na miažy buduć taksama pracavać 11 aŭtadarožnych punktaŭ propusku pamiežnaha nasielnictva: Tviaračus (Litva) — Vidzy (Biełaruś), Aduciškis — Maldzievičy, Papialakis — Łyntupy, Pryjanaj — Kamieliški, Šumskas — Łoša, Uralaj — Klavica, Narviliškies — Pickuny, Krakunaj — Hieraniony, Ejšyškies — Dociški, Rakaj — Piaciuleŭcy, Łaciažarys — Parečča.
Adnačasova litoŭski i biełaruski baki pahadzilisia z tym, što punkt propusku Tviaračus — Vidzy paśla jaho ŭładkavańnia i stvareńnia nieabchodnaj infrastruktury budzie dziejničać u režymie mižnarodnaha pasažyrskaha aŭtadarožnaha punkta propusku.
Punkt propusku Aduciškis — Maldzievičy paśla jaho ŭładkavańnia i stvareńnia nieabchodnaj infrastruktury budzie dziejničać u režymie mižnarodnaha aŭtadarožnaha punkta dla propusku aŭtamabilaŭ z abmiežavańniem ich ahulnaj vahi da 7,5 tony, a taksama dla parožnich aŭtamabilaŭ, jakija majuć Jeŭra‑1, Jeŭra‑2 i Jeŭra‑3 siertyfikaty.
Ciapier čytajuć
Jak Ksiuša z SMA apynułasia ŭ Domie dziciaci pry žyvoj mamie? Voś što kaža sama maci6
Kamientary