Novyja knihi, dasłanyja ŭ redakcyju

Bašura M. Palivańnie na much... Biełaruskaja mitalohija: Dapamožnik ... Bieły A. Boski viecier pravincyi... Biblija: Piaciknižža... Bursaŭ A. Dzivin: Hraniasłoŭi 1995–2002 h. ... Hniłamiodaŭ U. Janka Kupała: Žyćcio j tvorčaść...

Bašura M. Palivańnie na much (sa šlanhu). – Maskva–Sankt-Pieciarburh: Nieŭski Prastor, 2002. – 64 s.: ił. (Biblijateka “Bum-Bam-Litu”)

Michaś Bašura – adzin z “słupoŭ” tvorčaha ruchu “Bum-Bam-Lit”, viadomy pa asobnych publikacyjach dy pa ŭdziele ŭ performansach.

Biełaruskaja mitalohija: Dapamožnik / Układ. U.Vasilevič. – Miensk: Universyteckaje, 2002. – 208 s.

Hety daviednik – źmiastoŭnaja krynica infarmacyi pra vyhlad dy funkcyi šmatlikich bahoŭ i mityčnych istotaŭ biełaruskaha pahanskaha panteonu. Materyjały knihi dobra systematyzavanyja j admysłova padbiralisia z samych značnych etnahrafičnych daśledavańniaŭ ad XIX st. ułučna (Kirkor, Nikifaroŭski, Sieržputoŭski, Fiedaroŭski, Špileŭski, Šejn i inš.). Kniha dazvalaje jaskrava ŭjavić, jakimi, pavodle viery našych prodkaŭ, byli Piarun, Viales, Jaryła j inšyja adkaznyja za dabrabyt, zdaroŭje dy ŭradžaj asoby. Znajści knihu možna ŭ bujnych kniharniach, košt jaje – blizu 4 tysiačaŭ.

Bieły A. Boski viecier pravincyi: Vieršy, ese.

Pavialičyć

U pierakładzie na japonskuju movu “boski viecier” aznačaje nia bolej nia mieniej jak “kamikadze”. Na kožnaj staroncy čaćviortaha pa liku zbornika vieršaŭ Alaksieja Biełaha – da bolu znajomyja realii siońniašniaj nieŭładkavanaj Biełarusi.

Biblija: Piaciknižža / Pierakł. z łac. U.Čarniaŭskaha. – Miensk: Junipak, 2002. – 250 s.

Pabačyli śviet Starazapavietnyja knihi Rodu, Vychadu, Śviatarskaja, Ličbaŭ, Paŭtoranaha Zakonu, pierakładu jakich na biełaruskuju movu ŭsio svajo žyćcio pryśviaciŭ ksiondz Uładzisłaŭ Čarniaŭski. Biełaruskamoŭnuju Bibliju možna prydbać u kniharniach “Centralnaja”, “Śvietač”, a taksama na vystavie TBM.

Bursaŭ A. Dzivin: Hraniasłoŭi 1995–2002 h.: Z zachavańniem art'ahrafii aŭtara. – Miensk, 2002. – 152 s.: ił.

Hetaja kniha dzivić i naściarožvaje svajoju movaju. Słovy tut – nibyta vostryja kamieńčyki na ściažynie, pa jakoj idzieš basanož. Niečakana ščylnaje susiedztva navatvoraŭ, histaryzmaŭ, dyjalektyzmaŭ, prafesijanalizmaŭ dy słenhu padśviečvajecca rezkim neonavym śviatłom hukavoj hulni. Znajści “Dzivin” možna na vystavach u TBM dy BNF.

Hniłamiodaŭ U. Janka Kupała: Žyćcio j tvorčaść. – Miensk: Biełaruskaja navuka, 2002. – 238 s.

Žyćciapis i ahlad-analiz asnoŭnych tvoraŭ paeta, vydadzieny da 120-hodździa.

Damiejka I. Maje padarožžy / Pierakł. z polsk. movy j kament. Ź.Sićki; Pradm. K.Ćvirki. – Miensk: Biełaruski knihazbor, 2002. – 496 s.: ił. (Biełaruski knihazbor; Ser. II. Historyka-litaraturnyja pomniki)

21-y tom “Biełaruskaha knihazboru” – čarhovaje ŭnikalnaje vydańnie z “załatoje biblijateki” Biełarusi. Hetaja kniha jašče ŭ XIX st. była pierakładzienaja z hišpanskaj na mnostva inšych movaŭ, ale tolki ciapier u poŭnym abjomie źjaviłasia pa-biełarusku. Nabyć jaje možna ŭ bolšaści mienskich kniharniaŭ.

Łozka A. Biełaruski kalandar u słavianskim i eŭrapiejskim śviecie: Manahrafija. – Miensk: BDPU, 2002. – 120 s.

Nakładam u 100 asobnikaŭ vyjšła daśledavańnie, dzie ŭpieršyniu zroblenaja sproba rekanstrujavać pahanski kalandar słavianaŭ i vyznačyć miesca tradycyjnaj spadčyny biełarusaŭ u kantekście eŭrapiejskich kalandarnych abradaŭ.

Minskievič S. Minskija / Mienskija sanety. – Miensk: Łohvinaŭ, 2002. – 64 s.

Sanety Sierža Minskieviča – važki arhument na karyść taho, što Miensk nie taki ŭžo apaetyčny horad, jak ćvierdziać mnohija. Znajomyja budyniny, vulicy, šarahovyja j niešarahovyja žychary stalicy nabyvajuć u śviatle paetyčnaha ŭjaŭleńnia novaje abličča. Bolej daviedacca pra aŭtara dazvalajuć źmieščanyja ŭ zborniku pradmova Inesy Kurjan dy “paślamova” Andreja Chadanoviča.

Nienadaviec A. Siłaju słova: Čornaja j biełaja mahija. – Miensk: Biełaruś, 2002. – 350 s.

U novaj knizie daślednika biełaruskaje mitalohii j vusnaj narodnaj tvorčaści padadzieny materyjał, jaki pryadčyniaje dźviery ŭ tajamničy j niebiaśpiečny śviet čaraŭnikoŭ, varažbitoŭ dy znacharoŭ. Viera ŭ nadzvyčajnuju moc słova stałasia abjektam analizu. Vyniki jaho aŭtar vykłaŭ u zachaplalnaj formie, padmacavaŭšy vialikaju kolkaściu prykładaŭ ułasna słoŭnaje mahii.

U “Kniharni piśmieńnika” kniha kaštuje kala 4 tys.

Refarmacyja i załaty viek Biełarusi: Materyjały navuk.-prakt. kanfer.; Miensk, 1 červ. 2002 h. / MHA “Zhurtavańnie biełarusaŭ śvietu “Baćkaŭščyna”; Układ. S.Akinčyc. – Miensk: Biełaruski knihazbor, 2002. – 96 s.

Materyjały zbornika aśviatlajuć pytańni historyi, sučasnaści j perspektyvaŭ refarmacyjnaha ruchu ŭ Biełarusi. Udzieł u kanferencyi brali Adam Maldzis, Anatol Hryckievič, Aleh Trusaŭ, Uładzimier Konan, Pavał Sieviaryniec dy inšyja navukoŭcy j prychilniki pratestantyzmu. Znajści knihu možna na vystavie va ŭpravie BNF.

150 pytańniaŭ i adkazaŭ z historyi Biełarusi / Układ. i pradm. Z.Sańka, I.Savierčanka. – Vilnia: Naša Budučynia, 2002. – 238 s.: ił.

Vyjšła z druku hustoŭna azdoblenaje, prybranaje ŭ ćviorduju vokładku pieravydańnie ci nie najbolš papularnaj u pačatku 1990-ch knihi pa historyi Biełarusi. Pieršaje vydańnie “100 pytańniaŭ i adkazaŭ” źjaviłasia ŭ 1993 h. Novaje vydańnie bolš padrabiazna aśviatlaje peryjad balšavickaha panavańnia ŭ Biełarusi, u pryvatnaści – vyzvolny ruch, ustalavańnie j funkcyjanavańnie tatalitarnaje systemy, refarmavańnie biełaruskaje movy.

Pavialičyć

Suśvietnaviadomaja Puncovaja kniha Zachodniaha Kraju pa–biełarusku.

Try hracyi: Hałasy zdala j zblizu: Zbornik paezii. – Sankt-Pieciarburh, 2002. – 110 s.

Zborničak “žanočaje” paezii ŭklučaje tvory troch aŭtarak: Niny Maciaš (vianok sanetaŭ “Babina leta ŭ Biełaaziersku”), Aŭhińni Kavaluk (nizka vieršaŭ “Poviaź”) dy Antaniny Chatenki (“Ptušyny šlach”). Pytajciesia na knižnaj vystavie ŭ TBM.

Čaropka V. Uładary Vialikaha kniastva. – 2–ie vyd., dapoŭn. – Miensk: Biełaruś, 2002. – 608 s.

Raspovied pra žyćcio j dziei Kastusia Astroskaha, Mikałaja Radziviła Rudoha, Lava Sapiehi, Jana Chadkieviča, Januša Radziviła dy inšych vybitnych postaciaŭ biełaruskaje minuŭščyny. Pieršaje vydańnie “Ŭładaroŭ” źjaviłasia ŭ 1996 h. i sustretaje było nadzvyčaj prychilna. Šukajcie ŭ “Akademknizie”, “Centralnaj”, “Śvietačy”, “Kniharni piśmieńnika”. Cana – kala 6 tysiačaŭ.

Kalendaŕ 5763: Spravočnik / Iudiejskoje rielihioznoje objedinienije.

Pavialičyć

Vychad z druku hetaha kišennaha daviednika zaśviedčyŭ pačatak novaha 5763 h. ad stvareńnia śvietu. U zborniku aproč judejskaha kalendara-štodziońnika źmieščanyja śviatarnyja teksty, malitvy, apisańni habrejskich zvyčajaŭ dy inšaja infarmacyja, kaštoŭnaja dla biełaruskich habrejaŭ, jakija trymajucca svajoj viery j zachoŭvajuć nacyjanalnyja admietnaści.

Litieraturnaja kłaśsika v diałohie kultur: Tiezisy k Mieždunar. naučn. konfier., pośviaŝionnoj 120-letiju Ja.Kupały i Ja.Kołasa; Moskva, 23 okt. 2002 h. – Maskva: Karthieacentar, 2002. – 100 s.

Ź inicyjatyvy maskoŭskaha biełarusa Alaksieja Kaŭki pry Instytucie suśvietnaj litaratury Rasiejskaj akademii navuk adbyłasia Mižnarodnaja kanferencyja, na jakoj tvorčaja spadčyna sioletnich biełaruskich jubilaraŭ razhladałasia ŭ śviatle mižlitaraturnych suviaziaŭ dy ŭpłyvaŭ. Nakład knihi – 100 asobnikaŭ.

Padrychtavała Taciana Vabiščevič

• 0
• 0
• 0
• 0
• 0
• 0
• 0
• 0