28 LUTAHA
Skandały ŭ Rasiei
Azerbajdžanski sud daŭ 10—11 hadoŭ pazbaŭleńnia voli trom rasiejskim špijonam, jakija pracavali na vajskovuju vyviedku. Druhi skandał — kryminalny. Padčas adnaho z samitaŭ SND u Sočy prezydenty jeździli skradzienym aŭtobusam. Niamiecki MAN byŭ vyviezieny ź Bieraścia ŭ rasiejski Varoniež i zarehistravany tam pa falšyvych dakumentach. Firma z Varoniežu pradała jaho rasiejskamu Ministerstvu šlachoŭ znosin, a toje — sočynskaj sanatoryi, dzie adbyvałasia sustreča. U časie śledztva vyśvietliłasia, što j firma taja była niesapraŭdnaja.
Basajeŭ u čornym śpisie
Urad ZŠA ŭnios u čorny śpis mižnarodnych terarystyčnych arhanizacyj try čačenskija hrupoŭki: «Bataljon kamikadze-šachidaŭ», «Abjadnanyja siły kaŭkaskich madžahiedaŭ» dy «Kanhres narodaŭ Ičkieryi j Dahiestanu». Usie jany stvoranyja Šamilem Basajevym jak apazycyjnyja Asłanu Maschadavu dziela ažyćciaŭleńnia na Kaŭkazie musulmanskaj revalucyi. Sam Basajeŭ na tym tydni ŭziaŭ na siabie adkaznaść za śniežański terakt kala siadziby pramaskoŭskaha ŭradu ŭ Hroznym.
Tatarki patrabujuć parandžu
Viarchoŭny sud Rasiei budzie razhladać skarhu troch tatarak ź Nižniakamsku (Tatarstan), jakija patrabujuć, kab i na pašpart ich fatahrafavali ŭ chidžabach (tatarskich chustkach). Sudy Tatarstanu im u takoj prośbie admovili.
Ukraina—Polšča
«Prosim prabačeńnia ŭ palakaŭ, los jakich złamała ŭkrainskaja zbroja, a praź ich — va ŭsiaho hramadztva», — havorycca ŭ liście ŭkrainskich intelektuałaŭ. Viadziecca pra padziei na Vałyni ŭ 1943—44 h., kali ŭkrainskija partyzany-nacyjanalisty zabili niekalki dziasiatkaŭ tysiač palakaŭ. «Prymusovaje vyšturchoŭvańnie vałynskich palakaŭ było trahičnaj pamyłkaj», — havorycca ŭ dakumencie, padpisanym piśmieńnikam Jurjem Andruchovičam, historykam Jarasłavam Hrycakam dy inš.
Franc Subiel
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary