Miastečku Ziebin (aficyjna pišuć «Ziembin»), što na skryžavańni šlachoŭ z Barysava na Pleščanicy i z Łahojsku na Biehamje, bolš za 400 hadoŭ. U Ziebinie jość carkva i kaścioł.
Abodva chramy jak jašče ŭ vajnu byli spalenyja, tak i stajali amal paŭvieku. Abšarpanyja, ale vieličnyja mury nahadvajuć paranienaha i źbitaha, ale niazłomnaha ducham i mocnaj viery chryścijanina apostalskich časoŭ. Na frantonie kaściołu zachavałasia postać Maci Božaj. Z sumam Jana paziraje ŭniz, na miestačkoŭcaŭ, jakija za 12 hadoŭ tak i nie adnavili ani carkvy, ani kaściołu (choć sproby i byli).
Siońnia ŭ kaściole harać dymavyja šaški, čuvać stralanina: režyser Viačasłaŭ Nikifaraŭ zdymaje stužku «Na biezymiennaj vyšyni». Na maju dumku, pieratvaryć chram u takuju zdymačnuju placoŭku — abraza Boha. Hety vypadak — nia pieršy. U 1960-ja ŭ Ziebinie ŭžo zdymali film pra vajnu — tady tankam paburyli cełuju ścianu ŭ carkvie. Nia dumaju, što režyser mieŭ racyju, jak i barysaŭskija ŭłady, jakija vydavali dazvoł na zdymki.
Arciom Ščećka, Miensk
Kamientary