Na Kastryčnickaj płoščy minułuju noč prabyŭ i namieśnik kiraŭnika partyi BNF Aleś Michalevič.
(Michalevič: ) "Vielmi pryjemna, što ŭ hetuju noč sapraŭdy było našmat bolš ludziej, čym minułuju, i pierakanany, što heta daloka nie miaža, kolkaść ludziej budzie pavialičvacca i ŭpeŭnieny, što jość usie mahčymaści, kab heta pierarasło bližej da 25 sakavika ŭ vielmi hruntoŭnuju, vialikuju akcyju".
(Karatkievič: ) "Skažycie, jak moładź uspryniała zvarot A.Kazulina, što treba zhortvać hetyja namioty i ŭžo vyjści bolš maštabna 25 sakavika?"
(Michalevič: ) "Hety zvarot nie atrymaŭ nijakaha rezanansu: usie ŭdzielniki akcyi pačali skandavać, što my zastajemsia, i prosta zastalisia na płoščy, i heta, na moj pohlad, vielmi pravilnaje mierkavańnie".
(Karatkievič: ) "U našym efiry paet A.Chadanovič, śpiavačka K.Kamockaja, niekatoryja inšyja pradstaŭniki kultury havaryli, što małavata ludziej na płoščy. Vidavočna, što ludzi mianiajucca – kolki ciapier čałaviek?"
(Michalevič: ) "Ciažka aceńvać, ale heta dobra, što tut znachodziacca sotni ludziej. Taksama ciažka ad ludziej čakać, kab jany vytrymali cełuju noč, plus da hetaha zaŭsiody jość taki faktar, što z ranicy, kali pačynaje pracavać metro, značnaja častka ludziej, jakaja vytrymała noč, kali jany bačać, što ŭžo śvietła, što siłavy varyjant u hetuju noč nie raspačaŭsia, jany pryniali rašeńnie pajechać i paspać. Ale da dziasiataj hadziny padjedzie šmat ludziej, jakija pračnucca i pryjeduć siudy".
(Karatkievič: ) "Što viadoma pra Vincuka Viačorku – niejkija źviestki jon pieradavaŭ z-za krataŭ?"
(Michalevič: ) "Pakul što kankretnych źviestak niama. Viadoma, što praz kolki dzion jon vyjdzie, heta budzie pierad 25 sakavika".
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary