Usio mianiajecca, i navat sakralnyja śviaty ź ciaham času hublajuć svoj sakralny sens. 7 listapada, naprykład, u susiedniaj Rasiei robicca Dniom prymireńnia j zhody — nieviadoma kaho i z kim.
Dzień savieckaha druku ŭvohule ŭžo, zdajecca, nidzie nie adznačajecca (choć tradycyi hetaha samaha druku žyvyja), jak i dzień narodzinaŭ Karła Marksa. 22 krasavika stanovicca padstavaju dla apytańnia, padčas jakoha vyśviatlajecca, što kala trynaccaci adsotkaŭ postkamunistyčnaha hramadztva ŭžo j nia viedaje, chto taki Lenin.
Praŭda, byvajuć i advarotnyja kulbity ŭ časie. Voś zusim śviežy prykład. Zdavałasia, zusim jašče niadaŭna 3 lipienia było abvieščana ŭ Biełarusi Dniom Respubliki. Ale ž čytajem paviedamleńni BiełTA ci roznych inšych ahiencyjaŭ pra Bieraściejskuju krepaść (jašče adzin sakralny vobraz) i restaŭracyjnyja raboty, jakija tam iduć… I što my bačym? Akazvajecca, sioleta 3 lipienia budzie adznačacca dziaržavaju mienavita i ŭ pieršuju čarhu jak Dzień vyzvaleńnia Biełarusi ad niamiecka-fašysckich zachopnikaŭ. H.zn. kolišniamu savieckamu śviatu viernuty jaho pačatkovy sens? Dumajecca, štatnym prapahandystam udasca ŭsio ž niejak vyrašyć hety paradoks.
Kudy bolš składanaj vyhladaje sytuacyja z 1 traŭnia. Demanstracyi pracoŭnych, jak i prafsajuzny ruch, ciapierašnim biełaruskim uładam niedaspadoby. Lepiej kancert-majoŭka na čale sa staršyniom FPB spadarom Kozikam pad akampanement śpievaŭ Natašy Karalovaj. Miž tym, 1 traŭnia ciapier jašče stanovicca Dniom pašyreńnia Eŭrapiejskaha Źviazu. Z adnaho boku, kiraŭnik dziaržavy ŭ svaim štohadovym pasłańni daŭ zrazumieć, što z usich sajuzaŭ mienavita hety źviaz ciapier samy blizki biełaruskamu sercu. Z druhoha boku, hała-kancert u Dziaržaŭnym cyrku ŭ Miensku z nahody čužoha śviata padaŭsia biełaruskamu kiraŭnictvu niedarečnym.
Poŭny varyjant artykułu hladzicie ŭ hazecie "Naša Niva".
Vital Taras
«Biełaruś ciabie lubić». Repartaž z raźvitańnia ź Mikitam Miełkazioravym8
Kamientary