Vice-prezydent Finskaha PEN-Centru Juka Malinen zhadvaje chielsynski peryjad Vasila Bykava
Juka Malinen — miły fin z klasyčnym bałtyjskim akcentam. Budučy vice-prezydentam PEN-Centru Finlandyi, jon pamahaŭ Bykavu ŭładkavacca ŭ svajoj paŭnočnaj krainie, naładzić pobyt. Sp.Mali-nen achvotna zhadvaje padrabiaznaści henych dvuch hadoŭ. Jon byŭ adnym ź niamnohich, z kim Vasil Bykaŭ kantaktavaŭ u Chielsynki. Juka pryvioz nam vałun Bykava — kamień na mahiłu — i ŭspamin pra vialikaha piśmieńnika…
— Spadar Juka, čamu mienavita finski vałun?
— Atrymać vałun z Vuasaaraŭ na mahiłu było apošnim žadańniem Bykava. Pra heta mnie paviedamiŭ Niaklajeŭ. Ja viedaŭ Bykava, vioŭ jahonyja spravy dva hady ŭ Finlandyi — z boku finskaha PEN-Centru staraŭsia rabić jak maha bolej dla spadara Vasila… Mnie było vielmi dobra z Bykavym, škada było tady raźvitvacca. I kali ja daviedaŭsia pra žadańnie z vałunom, dyk źviarnuŭsia ŭ meryju horadu Chielsynki. Jany ŭ toj ža momant zhadzilisia padaravać kamień biełaruskamu boku. U našym adździele kultury jość vydatny čałaviek — Urjo Łarmała. Jon navat trochi viedaje pra Biełaruś (Juka vačyma stavić tut smajlik. — Aŭt.). My ŭtroch — Urjo, Niaklajeŭ i ja — pajechali, vybrali kamień. Horad Chielsynki zamoviŭ jaho… Na adnym baku tam napisana «Vasil Bykaŭ. 1924—2003», a zzadu, pa-biełarusku i pa-finsku, vybita «Ad horadu Chielsynki». I ŭsio.
— Darohaju z vałunom byli prablemy?
— Da Vilni vieźli mašynaju pasolstva Finlandyi ŭ Litvie. Dalej biełarusy sami vieźli…
— Jak vybirali vałun?
— Nu jak?.. Samy pryhožy… Heta, viadoma, umoŭna. Vybirali typovaha pradstaŭnika vałunovaha nasielnictva Finlandyi.
— Sam Bykaŭ moh bačyć hety vałun?
— Dumaju, tak. Kvatera Bykava była za sotniu metraŭ ad mora. Tam jość takaja dzikaja paŭvyspa — jana była lubimym miescam Vasila Bykava. Bykaŭ kožny viečar chadziŭ tudy, Iryna Michajłaŭna moža lepš pra heta raskazać. Vałun — z tych miaścinaŭ. Tak što mima prachodziŭ dakładna. Darečy, vam cikava, čamu vałun z Vuasaaraŭ?..
— U knizie «Listy ŭ Chielsynki» Bykaŭ malavaŭ hetyja kamiani…
Poŭnaściu hety artykuł možna pračytać u papiarovaj i pdf-versii "Našaj Nivy"
Hutaryŭ Ściapan Łucki
Ciapier čytajuć
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?2
«Praca prapahandystaŭ naŭrad ci čyściejšaja za našu». Eks-palitviaźni adkryli ŭ Varšavie svoj klininh — jak pajšło?
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary