BSSRaŭskija dzietki hulali ŭ bejsboł užo ŭ 80-ch.
Paśla padryvali tankavyja snarady na pustkach. A ŭ pošukach dozy hramili lifty. Ekstremalnyja zabavy dziaciej u BSSR.
Samaj prostaj BSSRaŭskaj dvarovaj hulkaj byŭ «Pikar». Sens — źbić jak maha bolej blašanak pałkaj. Voś tolki zamachnucca jak śled pieraškadžaje «tavaryš» ź inšaj dubinaj, što bje pa rukach. Jašče adna hulnia — «Piki» — dvarovy varyjant muškieteraŭ. U takoj vałtuźni vielmi prosta pratknuć praciŭniku nahu ci ruku.
Duža roźnilisia varyjanty stvareńnia «puhača». Možna było ŭziać hazavy balončyk ad syfona savieckaha ŭzoru, zabić jaho sieraj, prymacavać ćvik i padpał. Inšy varyjant — ałovak i kluč ź dzirkaj. Samyja spakusnyja «padryŭniki» karystalisia vydranymi z traktaroŭ trubkami.
Byŭ u BSSRaŭskich dvaroch i miascovy «bejsboł». Hulnia takaja: u jamku kładzieš miačyk, adzin bitaj padkidvaje jaho, inšy łović. Jak schapiŭ — musiš adbiehčy na peŭnuju adlehłaść i kinuć miač nazad, tvoj supiernik — adbić.
Apahiejem vajskovych hulniaŭ savieckich dziaciej była vajskova-patryjatyčnaja hulnia «Zarnica». Upieršyniu «vajnuška» prajšła ŭ 1967 h. u Sievastopali. Hulnia była dla 10—13 hadovych. Dla starejšych byŭ adpaviednik — «Arlania». Padčas hulniaŭ uzryvali, stralali. Časam navat vykarystoŭvali techniku. Darečy, u červieni ŭ Lachavičach adbyłasia bieraściejskaja abłasnaja «Zarnica-2004». Jaje prahrama nastupnaja: ahlad stroju, aperacyja «Snajper», vajskova-spartovaja estafeta, medyčny konkurs, konkurs bajavych listkoŭ, mastackaja samadziejnaść. Adnym słovam, back to the USSR.
Poŭnaściu hety artykuł možna pračytać u papiarovaj i pdf-versii "Našaj Nivy"
Siarhiej Trafiłaŭ
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»6
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić99
Kamientary