Brydka

List člena vybarčaj kamisii pra toje, jak heta było

Pavažanaja redakcyja «NN»!

Pišu, kab padzialicca z Vami svaim dośviedam apošnich dzion. Majučy niaščaście pracavać nastaŭnicaj u ciapierašniaj systemie adukacyi, vymušana była, jak i tysiačy maich kaleh pa ŭsioj krainie, brać niepasredny ŭdzieł u vybarčaj kamisii. Nia budu nazyvać jakoj.

Nie zvažajučy na ŭsie maje sproby ŭchilicca ad hetaha pačesnaha abaviazku, staršynia kamisii (dyrektarka našaj škoły) usio ž pakinuła mianie ŭ jaje składzie. Chutčej za ŭsio, raźličvała na maju talerantnaść, maładość i adviečny strach pierad načalstvam.

Pryhody pačalisia ŭ majo pieršaje dziažurstva na daterminovym hałasavańni 12 kastryčnika. Na praciahu troch hadzin pryjšło 20 čałaviek. Zadavolenych svaim źjaŭleńniem tut było niašmat. Ludzi narakali na prymus z boku načalstva. U 18.30 staršynia kamisii (dyrektarka) pryniesła stos śviežych biuleteniaŭ na referendum i zahadała jak maha chutčej padpisać ich z advarotnaha boku. Za paŭhadziny ahulnymi namahańniami my padpisali kala 500 asobnikaŭ.

Užo ŭ niadzielu, niepasredna na vybarach, ja admysłova nazirała za tymi biuleteniami, jakija prynosilisia. Na ich maich podpisaŭ nie było. Mnie stała zrazumieła, što ŭžo tady jany byli padrychtavanyja jak naležyć: «za Biełaruś».

Za niekalki chvilin da adkryćcia vybarčaha ŭčastku nam prynieśli listy papiery, na jakich byli paznačany niekatoryja damy i paradkavyja numary peŭnych asob, i zahadali paviedamlać staršyni kamisii, ci jany prahałasavali.

U śpisach, pa jakich ja vydavała biuleteni, značyŭsia internat. Užo kala 11-j zavitała kamendant z patrabavańniem paviedamić joj kolkaść tych, chto pryniaŭ udzieł u vybarach. Ja admoviłasia heta zrabić, čym vyklikała niezdavolenaść, i nakiravała jaje da staršyni kamisii. Taja joj nie admoviła i na praciahu cełaha dnia paviedamlała nieabchodnyja źviestki.

Uvohule hałasavali chto chacieŭ, jak chacieŭ, pa čym chacieŭ i navat za inšych svajakoŭ. Šmat asob uvohule nie byli ŭniesieny ŭ śpisy, choć jany adznačali, što ich proźviščy byli źvierany zahadzia.

Adnak samaje cikavaje pačałosia paśla zakryćcia vybarčaha ŭčastku. Nam było zahadana raźmierkavać biuleteni na referendum i na vybary. Biuleteni na referendum adrazu zabrała staršynia i nie dazvoliła nam da ich navat nablizicca.

Poŭnaściu hety artykuł možna pračytać u papiarovaj i pdf-versii "Našaj Nivy"

P.S. Nia viedaju, jak padpisacca, chaj budzie prosta «nastaŭnica, małady specyjalist»

• 0
• 0
• 0
• 0
• 0
• 0
• 0
• 0