Улада

Лукашэнка заявіў пра спробу зламаць праваслаўе ў Беларусі

Аб гэтым ён заявіў сёння на сустрэчы з духавенствам у Жыровіцкім мужчынскім манастыры, піша БелТА.

БелТА

«На жаль, мы перажываем неспакойныя часы. Не буду канкрэтызаваць. Проста нагадаю, што на фоне гэтай пандэміі, як яе назвалі, нас паспрабавалі спачатку расхістаць і, як сёння ўжо відаць, зламаць. І нават не паставіць на калені. Усё ішло да таго, каб мы зніклі як дзяржава і народ», — падкрэсліў Аляксандр Лукашэнка.

«Спачатку бліцкрыг, які не атрымаўся, затым заігрыванне з народам (кветачкі і іншыя блюзнерствы). На жаль, і храмы былі падключаныя да гэтага.

Была спроба падключыць амаль усе каталіцкія, і многія паддаліся на гэта. І ў нас сярод праваслаўных былі пэўныя ваганні, з якімі на сённяшні дзень і ўладыка, і праваслаўная царква справіліся. Гэта таго варта, супакойвацца нельга», — сказаў Лукашэнка.

Пасля гэтых няўдалых спробаў зламаць краіну знешнія сілы перайшлі да наймагутнейшай інфармацыйнай атакі і эканамічнага задушэння, заявіў ён.

«Застаўся апошні этап — інтэрвенцыя», — адзначыў ён.

«У гэтым глабальным супрацьстаянні ёсць асобныя эпізоды, якія маюць фундаментальнае значэнне для існавання беларускай нацыі. Адзін з іх (мы гэта назіраем у апошні час, і з нашым патрыярхам нядаўна абмяркоўвалі гэтую тэму) — гэта спроба зламаць праваслаўе ў Беларусі», — заявіў Аляксандр Лукашэнка.

Пры гэтым праціўнікі беларускай дзяржавы ідуць правераным шляхам, жадаючы абвясціць аўтакефалію Беларускай праваслаўнай царквы.

«Лісты пайшлі ў Канстанцінопаль, да нашага патрыярха (ён пра гэта мне казаў), ды і тут мы ўжо бачым гэты разварот. Наталлі Іванаўне (Качанавай) я даручыў, каб яна ажыццяўляла паміж дзяржавай, кіраўніцтвам краіны і уладыкам кантакт. Каб мы, не дай бог, скажу па-народнаму, не праспалі гэты момант. мы павінны зрабіць усё, каб галоўная наша годнасць — канфесійны мір — захаваць у Беларусі», — падкрэсліў Лукашэнка

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Маладую бібліятэкарку з Горак асудзілі за пратэсты3

Маладую бібліятэкарку з Горак асудзілі за пратэсты

Усе навіны →
Усе навіны

У Брэсце і Белаазёрску скардзяцца на шкодныя пахі і магчымыя выкіды з прадпрыемстваў1

Колькі цяпер каштуе кава — молатая, у зярнятах і распушчальная? Некаторыя цэны здзіўляюць17

У лесе пад Рэчыцай заўважылі дзікабраза ВІДЭА1

У Жодзіне бацьку самому давялося дапамагаць дзіцяці пасля адмовы дактароў8

Беларускі стэндапер выступіў у акупаваным Марыупалі. Кажа, у гэтым няма палітыкі: Я толькі раблю сваю працу — як доктар12

Спявачка Каця IOWA апранулася па матывах карціны Шагала «Прагулка» ФОТА4

«Неяк да яе падсадзілі рэальную вар'ятку». Былая палітзняволеная расказала пра Марыю Калеснікаву1

У Бангладэш вайсковы самалёт пратараніў школу, у якой было шмат дзяцей

Вызначыліся магчымыя супернікі беларускіх клубаў у 3-м раўндзе кваліфікацыі еўракубкаў

больш чытаных навін
больш лайканых навін

Маладую бібліятэкарку з Горак асудзілі за пратэсты3

Маладую бібліятэкарку з Горак асудзілі за пратэсты

Галоўнае
Усе навіны →

Заўвага:

 

 

 

 

Закрыць Паведаміць