Злучаныя Штаты Амерыкі размясцілі сучасныя ядзерныя бомбы B61-12 на сваёй найбуйнейшай авіябазе ў Еўропе — Лейкенхіт, што ў англійскім графстве Сафалк. Гэта адбылося ўпершыню з 2008 года, калі з брытанскай тэрыторыі былі выведзеныя апошнія ядзерныя боепрыпасы ЗША. Цяпер Вялікабрытанія стала шостай краінай у Еўропе, дзе знаходзіцца амерыканская ядзерная зброя, разам з Бельгіяй, Германіяй, Італіяй, Нідэрландамі і Турцыяй, піша The Moscow Times.
B61-12 — гэта мадэрнізаваная версія асноўнай амерыканскай ядзернай бомбы з рэгуляванай магутнасцю выбуху: ад 0,3 да 50 кілатонн (для параўнання — у Хірасіме была выкарыстаная бомба магутнасцю каля 15 кілатонн). Бомба здольная планіраваць у паветры і дакладна трапляць у цэль, запусціўшыся з самалёта на вялікай вышыні.
Вашынгтон афіцыйна абвясціў пра намеры размясціць такое ўзбраенне ў Вялікабрытаніі яшчэ ў студзені 2025 года ў рамках праграмы ядзернага стрымлівання НАТА.
Размяшчэнне новых бомбаў адбываецца на фоне пагаршэння адносін з Расіяй і росту напружанасці ў Еўропе. Гэта разглядаецца як змена ядзернай стратэгіі НАТА, накіраваная на ўмацаванне «ядзернага парасона» над еўрапейскімі саюзнікамі.
База Лейкенхіт у часы Халоднай вайны ўжо выкарыстоўвалася для захоўвання ядзернай зброі. Пасля 2008 года яна была ад яе «ачышчаная», але цяпер, у адпаведнасці з дакументамі Пентагона, былі пабудаваныя новыя бяспечныя сховішчы для захоўвання ядзерных боепрыпасаў. У Лейкенхіце дыслакуюцца больш за 50 самалётаў F-35A, якія здольныя несці B61-12.
Паводле выдання The UK Defence Journal, вяртанне ядзернай зброі на брытанскую тэрыторыю — значны сігнал, які можа змяніць сілы стрымлівання ў Еўропе. Гэта сведчыць пра новы этап у палітыцы бяспекі НАТА і павышэнне гатоўнасці да магчымых выклікаў з боку Расіі.
У выпадку нападу расійскія сілы ў Калінінградзе будуць нейтралізаваныя імгненна — камандуючы сіламі ЗША
З'явілася новае сведчанне пабудовы расіянамі сакрэтнай ядзернай базы ў Асіповічах
Як Трамп выкарыстоўвае «тэорыю вар'ята», каб мяняць свет пад сябе. І ў яго атрымліваецца
Расія пашырыла сваё прадпрыемства па вытворчасці стратэгічных бамбавікоў
Каментары