Паглядзіце, як будзе выглядаць мост праз Свіслач у Верхнім горадзе ФОТА

У Мінску пабудуюць яшчэ адзін пешаходны мост над Свіслаччу. Ён злучыць будучы шматфункцыянальны комплекс на месцы 2-й клінічнай бальніцы і Верхні горад, паведамляюць Мінск-Навіны.
Як распавёў кіраўнік праектнай арганізацыі Алег Вараб'ёў, канструкцыя будзе ў выглядзе аркі, гэта ўмова была зададзена першапачаткова, каб пад мастом можна было чысціць пойму ракі з дапамогай спецыяльнай тэхнікі.

— Мост атрымаўся даволі круты па ўздыме, таму яго зробяць з падагрэвам і антыслізгаючым пакрыццём, шырыня канструкцыі — 3,7 метраў, — удакладніў А. Вараб'ёў. — У нас было шмат варыянтаў агароджы, нават вантавага, але заказчык спыніўся на такім — з картэнаўскай сталі.
Як растлумачылі архітэктары, гэта дарагі і добры матэрыял. Ён па выглядзе нагадвае праржавелае жалеза, але за кошт пакрыцця з адмысловага саставу сталь не схільная да карозіі, канструкцыі з яе не пакінуць разводаў і падцёкаў. Гэта дарагі і якасны сучасны матэрыял, з якога робяць нават фасады будынка.
Паколькі выгляд такой сталі нязвыклы, ёсць адчуванне старога жалеза, то пытанне - ці будаваць падобную агароджу вынеслі на калектыўнае рашэнне савета.

- Мне падабаецца, што такія канструкцыі будуць выглядаць увесь час па-рознаму, і такім простым прыёмам можна дамагчыся разнастайнасці ўспрымання, - выказалася архітэктар Галіна Палянская.
Ухвалілі члены савета і падагрэў моста, і яго падсвятленне, і ажурнасць канструкцыі. Праектнай арганізацыі параілі толькі закругліць прамыя куты на падыходах да моста, зрабіўшы іх больш плыўнымі.
-
Адна з арганізатарак жаночых маршаў Анастасія Касцюгова пачала выкладаць у нідэрландскім універсітэце
-
«Храм — гэта і бальніца, і школа!» У Магілёве сабралі сотні подпісаў супраць будаўніцтва царквы ў Пячэрскім лесапарку
-
Атрымальнікам дапамогі і не толькі. Каму яшчэ неабходна адкрыць базавы рахунак да 20 чэрвеня
Каментары