Новаабраны прэзідэнт Парагвая, прадпрымальнік Арасіа Картэс паабяцаў ніколі не ставіць асабістыя інтарэсы вышэй за інтарэсы краіны. Пра гэта ён распавёў у першым інтэрв'ю пасля перамогі.
Картес — адзін з найбагацейшых бізнэсоўцаў краіны, адной з самых бедных у Паўднёвай Амерыцы, паведамляе Бі-Бі-Сі. Ён займаецца бізнесам, звязаным з тытунем, напіткамі і пастаўкай мясной прадукцыі.
За Картэса прагаласавалі 21 красавіка 45,8% выбаршчыкаў пры яўцы 69%.За яго асноўнага канкурэнта з Аўтэнтычнай радыкальнай ліберальнай партыі «Шчаслівы Парагвай» Эфрэна Алегра — амаль 37% выбарцаў.
Выбары ў Парагваі былі першымі пасля выключэння краіны з арганізацыі Паўднёваамерыканскага рынку Меркасур, звязаным з імпічментам прэзідэнту Фернанда Луга.
Картэс паабяцаў аднавіць сяброўства Парагвая ў Меркасуры.Афіцыйна Арасіа Картэс уступіць на пасаду 15 жніўня.
0
0
0
0
0
0
