Баскетбол. Дзяўчаты. 2-і этап пачынаем у сераду матчам з Сербіяй. Расія едзе дахаты
На чэмпіянаце Еўропы па баскетболе сярод жаночых каманд у Францыі вызначыўся тузін ўдзельніц другога групавога этапу.
Баскетбалісткі зборнай Беларусі, якія трапілі ў другі этап з 4 баламі, свой першы матч у групе F правядуць 19 чэрвеня (серада) супраць каманды Сербіі (пачатак гульні ў 17.30 па мінскім часе).
Затым, 21 чэрвеня (пятніца), беларусак чакае сустрэча з баскетбалісткамі Вялікабрытаніі (17.30), а 23 чэрвеня (нядзеля) наша дружына згуляе з адным з галоўных фаварытаў кантынентальнага першынства зборнай Францыі (21.00).
Нагадаем, што на першым этапе спаборніцтваў падапечныя Рымантаса Грыгаса гулялі ў групе D, дзе перамаглі каманды Чэхіі (60:39) і Харватыі (57:43), але саступілі літоўкам (67:72). Параза ў апошняй гульні не мела для беларусак турнірнага значэння, бо яны датэрмінова забяспечылі выхад у наступны этап, куды таксама прабіліся чэшскія і харвацкія баскетбалісткі.
Перад пачаткам спаборніцтваў становішча каманд у групе F такое: Беларусь — 4 балы, Францыя — 4, Вялікабрытанія — 3, Чэхія — 3, Харватыя — 2, Сербія — 2.
Каманды групы Е размясціліся перад другім раўндам у такім парадку: Іспанія — 4, Турцыя — 4, Чарнагорыя — 3, Італія — 3, Швецыя — 2, Славакія — 2.
якія не змаглі пераадолець першы этап гэтага турніру і адправіліся дахаты.Адзначым, што сярод суіскальніц узнагарод няма пераможцаў мінулага чэмпіянату Еўропы баскетбалістак Расіі,
Другі групавы этап кантынентальнага першынства завершыцца 24 чэрвеня, пасля па чатыры лепшыя зборныя кожнага секстэту працягнуць барацьбу ў чвэрцьфінале — 26–27 чэрвеня.
Паўфінальныя сустрэчы намечаны на 28 чэрвеня, а матч за бронзу і паядынак за чэмпіёнскі тытул адбудуцца 30 чэрвеня ў Аршы.
Каментары