Украінка са Славянска перапахавала мужа, каб яго магіла не апынулася пад акупацыяй
Віталь загінуў тры гады таму, баронячы Данбас, і яго пахавалі на радзіме. Але цяпер Наталлі страшна, што магіла роднага чалавека можа аказацца недаступнай.
Украінская ўдава Наталля вырашыла перапахаваць свайго мужа Віталя, пахаванага ў Славянску на Данбасе. Ён загінуў тры гады таму ў баях на ўсходзе Данбаса, і яго спачатку пахавалі на радзіме. Але цяпер Наталлі страшна, што магіла роднага чалавека можа застацца пад акупацыяй, паведамляе Бі-бі-сі.
Спачатку праблем з доглядам магілы Віталя не было, але з моманту гібелі фронт прасунуўся, і наведваць могілкі робіцца ўсё цяжэй.
«Мне здавалася, што хутка вайна скончыцца, а цяпер сітуацыя складваецца так, што фронт пастаянна набліжаецца, і было страшна, што ён можа трапіць пад акупацыю і там застацца», — сказала жанчына.
Віталь быў мастаком-керамістам і пайшоў на фронт у 2022 годзе. Ён загінуў на фронце на ўсходзе Данбаса, калі яго жонка была цяжарная. Віталь так і не ўбачыў іх маленькую дачку, але Наталля хоча, каб яна прынамсі мела магчымасць прыходзіць на магілу бацькі ў Кіеве.
Зяленскі: ЗША хочуць завяршыць вайну да пачатку лета
З расійскага палону вярнуўся ўкраінскі вайсковец, якога тры гады лічылі загінулым і нават пахавалі
Зяленскі спадзяецца завяршыць вайну дыпламатычным шляхам ужо ў наступным годзе
У ЗША падрыхтавалі новыя санкцыі супраць Расіі на выпадак правалу перамоў
Ціхая вайна за свядомасць. Як Расія хавае сваю прапаганду за асабістымі гісторыямі
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары