Дзяржаўтаінспекцыя МУС Беларусі рэкамендуе вадзіцелям не зацягваць з заменай рызіны і загадзя паклапаціцца пра сезонную замену шын.
«З улікам леташняй статыстыкі, калі ў дзень першых асенніх замаразкаў на дарогах загінулі 12 чалавек, ДАІ рэкамендуе аўтаўладальнікам загадзя замяніць на транспартных сродках летнія шыны на зімовыя. Тым больш што пакуль ёсць магчымасць зрабіць гэта спакойна, без чэргаў на шынамантажы», — гаворыцца ў паведамленні ўпраўлення ДАІ МУС.
«Некаторыя аўтааматары лічаць, што «пераабуваць» колы на зіму наогул не абавязкова. Але гэта памылка. У нашым клімаце, каб адчуваць сябе на дарозе ўпэўнена і бяспечна, і аўтамабілям патрэбны абутак па сезоне. Гэта дапаможа скараціць тармазны шлях і значна палепшыць кіраванне аўтамабілем ва ўмовах слізкай дарогі», — канстатуюць спецыялісты.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары