Трамп адклаў эскалацыю вайны з Іранам праз нястачу ракет СПА — The New York Times
Прэзідэнт ЗША Дональд Трамп пакуль адмовіўся ад планаў рэзка ўзмацніць вайсковую кампанію супраць Ірана. Развароту ў рашэнні спрыялі папярэджанні вайскоўцаў пра рызыку хуткага вычэрпвання запасаў ракет для сістэм супрацьпаветранай абароны Patriot ды іншых сродкаў СПА на Блізкім Усходзе, паведамляе The New York Times са спасылкай на крыніцы ў Белым доме.
Паводле даных выдання, ключавая размова адбылася падчас нарады з дарадцамі і членамі кабінета. Старшыня Аб'яднанага камітэта начальнікаў штабоў генерал Дэн Кейн папярэдзіў Трампа, што маштабныя ўдары выклічуць яшчэ больш магутны адказ Тэгерана. Гэта прывядзе да рэзкага расходу перахопнікаў, неабходных для абароны амерыканскіх баз у Іарданіі, Кувейце, Бахрэйне і ААЭ.
Сітуацыя з боепрыпасамі, паводле выдання, ужо дасягнула крытычнага ўзроўню — да канца красавіка Пентагон выдаткаваў больш за 1200 ракет-перахопнікаў Patriot коштам 4 млн даляраў кожная. З таго часу, паводле ацэнак вайскоўцаў, стан запасаў толькі пагоршыўся.
Акрамя дэфіцыту ракет, у адміністрацыі пабойваюцца шырэйшых наступстваў эскалацыі: уцягвання саюзнікаў у Персідскім заліве ў канфлікт, новага скачка цэн на энерганосьбіты, эканамічнага крызісу і міграцыйнага ціску. Да таго ж частка чыноўнікаў сумняваецца, што ваенны ціск прымусіць Іран сесці за стол перамоў, а не згуртуе яго кіраўніцтва.
Замест маштабнай вайсковай аперацыі ў Белым доме разглядаюць іншы план, які падтрымліваюць дарадцы Трампа, у тым ліку Джарэд Кушнер. План прадугледжвае працяг перамоў з Тэгеранам у спалучэнні з узмацненнем эканамічнага ціску і санкцый.
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Каментары