МЗС Літвы хоча ўвесці новыя абмежаванні для грамадзян Расіі і Беларусі — размова пра забарону набываць нерухомасць каля стратэгічных аб’ектаў і тое, каб не ўпускаць у Літву дзеячаў культуры, адукацыі і спорту, якія падтрымліваюць вайну супраць Украіны, піша LRT.
МЗС прапануе не пускаць у Літву фізічных і юрыдычных асоб з Расіі і Беларусі, а таксама прадстаўнікоў арганізацый, якія хочуць весці публічную дзейнасць у сферы адукацыі, навукі, культуры, спорту, мастацтва і забаў, калі акажацца, што яны вядуць ці вялі такую дзейнасць на анексаваных ці часова акупаваных Расіяй тэрыторыях Украіны, альбо калі яны прама ці ўскосна падтрымліваюць вайну супраць Украіны ці ўдзельнічалі ў ёй.
Таксама прапануецца не ўпускаць тых, хто робіць дзеянні альбо праводзіць палітыку, якая шкодзіць тэрытарыяльнай цэласнасці, суверэнітэту і незалежнасці Украіны, шкодзіць яе стабільнасці ці бяспецы, а таксама тых, хто прама ці ўскосна падтрымлівае грубыя парушэнні правоў чалавека ці рэпрэсіі супраць грамадзянскай супольнасці і дэмакратычных сіл у Расіі ці Беларусі, альбо чыя дзейнасць стварае пагрозу дэмакратыі ці прававой дзяржаве.
МЗС прапануе, каб ахвотныя прыехаць у Літву з канцэртамі былі абавязаныя падпісаць дэкларацыю з асуджэннем агрэсіі Расіі супраць Украіны і прызнаннем тэрытарыяльнай цэласнасці Украіны ў міжнародна прызнаных межах.
МЗС таксама прапануе абмежаваць магчымасці расейцаў і беларусаў з ДНЖ набываць нерухомасць у Літве паблізу стратэгічна важных аб’ектаў.
МЗС прапануе, каб такія папраўкі набылі моц з 1 студзеня наступнага года.
Раней падобныя прапановы — як адносна грамадзян Расіі і Беларусі, якія хочуць выступаць у Літве з канцэртамі, так і адносна забароны набываць нерухомасць паблізу важных для нацыянальнай бяспекі аб’ектаў — вылучалі кансерватары. Іх папраўкі не былі прынятыя, бо выключнае права ініцыяваць нацыянальныя санкцыі дадзенае ўраду.
-
РІА Навіны выдаліла тэкст пра вайну з Літвой. Бо «не адпавядае дзяржаўнай палітыцы»
-
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»
-
Рэнтген-лабарантку з 38‑гадовым медыцынскім стажам адправілі ў калонію за палітыку
Цяпер чытаюць
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка11
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі66
Каментары