Пытанне пра аднаўленне працы офіса АБСЕ ў Мінску беларускім бокам не разглядаецца, заявіў БелаПАН прэс-сакратар МЗС Беларусі Андрэй Савіных. «Я не разумею, чаму вы задаяце гэта пытанне», — сказаў ён.
Нагадаем, прызначаны 15 кастрычніка новы кіраўнік рабочай групы па Беларусі Парламенцкай асамблеі АБСЕ Крысціян Хольм заявіў, што адной са сваіх найважнейшых задач на новай пасадзе лічыць «неабходнасць дабівацца дазволу на аднаўленне працы ў Мінску офіса АБСЕ».
Місія АБСЕ ў Беларусі працавала з 1998 года. Рашэнне аб закрыцці офіса было прынята беларускімі ўладамі ў канцы 2010 года. 31 снежня прадстаўнік Беларусі пры міжнародных арганізацыях у Вене Аляксандр Сычоў праінфармаваў членаў пастаяннага савета АБСЕ аб рашэнні беларускіх улад не працягваць мандат мінскага офіса арганізацыі ў сувязі з «адсутнасцю аб'ектыўных падстаў для захавання місіі». 31 сакавіка 2011 года офіс АБСЕ ў Мінску афіцыйна спыніў працу.
Цяпер чытаюць
20‑гадовую дзяўчыну з аграгарадка Макраны на мяжы з Украінай асудзілі за Гаюна4
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары