Леанарда ды Капрыа стане прадзюсарам фільма пра населены прывідамі будынак. Ён зоймецца вытворчасцю карціны пад назвай «Дом».
У карціне будзе распавядацца пра мужчыну, які нядаўна выйшаў, з бальнiцы. Ён пасяляецца ў маёнтку, які дастаўся яму ў спадчыну ад бацькоў. Аднак там пачынаюць адбывацца дзіўныя падзеі, пасля якіх герой прыходзіць да высновы, што ў яго новым доме жывуць прывіды.
Галоўную ролю ў карціне сыграе Тофер Грэйс ( «Трафік», «Усмешка Моны Лізы»). Яго партнёркай па фільме можа стаць Патрысія Кларксан («Догвіль», «Станцыйны наглядчык»). Дата прэм'еры пакуль не называецца.
Акрамя ды Капрыа прадзюсаваць стужку будуць яго партнёрка па кампаніі Appian Way Джэніфер Дэвісан, а таксама Грэм Кінг («Маладая Вікторыя», «Трафік») і Джэйсан Блюм («Чытальнік», «Самая п'яная акруга ў свеце»). Рэжысёрскае крэсла зойме Дэніс Іліядзіс, вядомы па трылеры «Апошні дом злева». Сцэнар напіша Адам Алека, які разам з Іліядзісам працаваў над гэтай карцінай.
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца16
Каментары