Грамадзянскі актывіст Валер Адстаўных зладзіў антываенную акцыю ў Туле: ён уручыў акцёру Івану Ахлабысцін бутлю, напоўненую крывёю. Па словах актывіста, у пасудзіне была кроў грамадзян Расіі і Украіны. Акцыя была праведзена, каб прысароміць акцёра, які, па словах актывіста, «увесь час прагне крыві — і ўкраінскай, і рускай», бо Ахлабысці «прапануе пачаць кровапралітную вайну» Расіі і Украіны.
Акцыя была праведзена ў Гарадской канцэртнай зале (ГКЗ) Тулы, дзе 28 лістапада ўвечары праходзіў інтэрактыўны монаспектакль Ахлабысціна «Духоўныя гутаркі».
Адстаўных адправіў запіску, задаўшы пытанне, ці можна падарыць земляку падарунак (Адстаўных — ураджэнец Тульскай вобласці, як і сам Ахлабысцін).
Як відаць на відэазапісе, на сцэну падняўся Адстаўных і ўручыў Ахлабысціну пасудзіну. Пазней Ахлабысцін напісаў у Twitter: «Эх, Валерый, эх, Адстаўных! У тваіх венах цячэ журавінавы сок. Кісляціна, як усё тваё жыццё», — намякнуўшы, што пакаштаваў змесціва бутэлечкі.
Раней расійскі акцёр, які адначасова з'яўляецца праваслаўным святаром, заклікаў «ўзяць Марыупаль, Адэсу і Харкаў», а таксама заяўляў, што такой краіны, як Украіна, «не было і не будзе» і «не павінна існаваць у прынцыпе».
Адзначым, што гэта ўжо не першая падобная акцыя. Раней у Маскве актывістка Кацярына Мальдон ўручыла акцёру Міхаілу Парэченкаву, які пастраляў з кулямёта падчас перамір'я на Данбасе, медаль «За Лугандон» проста на прэм'еры спектакля «Трамвай «Жаданне» ў МХАТ імя Чэхава.
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек5
Каментары