Найбуйнейшы акцыянер кампаніі «X5 Retail Group» расейскі кансорцыюм «Альфа‑груп» пры ўдзеле Міжнароднай фінансавай карпарацыі (IFC) інвестуе 83 млн. долараў у сетку дыскаунтэраў у Беларусі.
«Інфармацыя аб беларускай сетцы апублікавана на сайце Міжнароднай фінансавай карпарацыі, што крэдытуе праект. Нерухомасць сеткі будзе належаць кіпрскаму афшору «Tugillio Holding Ltd» цераз ТАА «Ландгра», аператарам стане іншая «дачка» афшора — ТАА «Белмаркет», — зазначае выданне і ўдакладняе, што адзіным уладальнікам праекта называеца «дачка» «Альфа‑груп» — кампанія «A1 Group».
«У развіццё новай сеткі будзе ўкладзена 83 мільёны долараў. З іх IFC у выглядзе крэдыту можа прадаставіць 16 мільёнаў долараў, у тым ліку 6 мільёнаў долараў складзе «канвертуемы крэдыт», — паведамляецца ў выданні са спасылкай на інфармацыю на сайце IFC.
Усяго ў рамках праекта ў Беларусі «Альфа‑груп» адкрые да 2010 года «з нуля» 128 дыскаунтэраў сярэдняй плошчай 500 квадратных метраў, указвае прэс‑сакратар IFC Няждана Букава, словы якой прыводзяцца ў газеце.
«Першыя крамы з’явяцца ў Мінску, затым — у Магілёве, Брэсце, Бабруйску, Гомелі і Віцебску. Плануемыя суадносіны ўласных плошчаў да арандаваных складуць 40 да 60», — падкрэслівае газета і нагадвае, што Міжнародная фінансавая карпарацыя «даўно цікавіцца беларускім рытэйлам».
***
«Альфа‑Груп» — адзін з найбуйных у Расіі фінансава‑прамысловых кансорцыумаў. Сярод кампаній, што ўваходзяць у склад кансорцыума, — «X5 Retail Group N.V», у склад якой уваходзіць кампанія «Пяцёрачка», адна з буйнейшых кампаній у фармаце «дыскаунтэр» па продажы прадуктаў харчавання ў Расіі, і «Скрыжаванне», найбуйная сетка супермаркетаў у Расіі; «A1», вядучая кампанія на рынку прамых інвестыцый, што ажыццяўляе сваю дзейнасць у Расіі, краінах СНД і іншых рынках, што развіваюцца; а таксама кампанія «Рускія Тэхналогіі», што займаюцца развіццём тэхналогій.
Каментары