Акруговы суд у Варшаве прызначыў грамадзяніну Беларусі Аляксандру Л. сем гадоў зняволення.
Як піша gazeta.pl, беларус пад выглядам супрацы з польскай разведкі падманным чынам атрымаў 319 тысяч долараў і 18 тысяч еўра.
Акрамя таго, суд прызнаў яго вінаватым у тым, што прывёў разведку да «нявыгаднага распаражэння маёмасцю». Але ў супрацы з чужой разведкай яго вінаватым не прызналі.
Паведамляецца, што польская разведка завербавала Аляксандра Л. у 1999 годзе. Да 2007 года ён пастаўляў ёй інфармацыю, якая выявілася непраўдзівай. Так, ён паведамляў пра меркаваных агентаў Беларусі ў найважнейшых інстытуцыях польскай дзяржавы. Даў фальшывы спіс афіцэраў КДБ і сакрэтныя дакументы Беларусі. Насамрэч, як выявілася, беларус даваў інфармацыю з адкрытых крыніцаў ды яшчэ і з савецкіх часоў. Ён проста фальсіфікаваў інфармацыю.
Пракуратура збіраецца падаваць апеляцыю на прысуд — абвінавачванне патрабуе для фальшывага «шпіёна» васьмі гадоў турмы.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай12
Каментары