Інжынеры навучыліся тэлепартаваць аб'екты з дапамогай 3D прынтара ВІДЭА
У нямецкім Інстытуце Хаса Платнера прадстаўлены доследны ўзор прыбора, здольнага тэлепартаваць прадметы на адлегласць з дапамогай 3D-друку. Прыладу назвалі «Скоці» у гонар аператара тэлепартацыйнай сістэмы з серыяла «Зорны шлях».
Прынцып працы сістэмы вельмі просты: першы 3D-прынтэр Makerbot Replicator аблічбоўвае аб'ект з дапамогай фотакамеры, знішчае яго, пасылае зашыфраваную інструкцыю другому прынтару, які раздрукоўвае прадмет у іншым месцы. Прычым дзейнічае «Скоці» папластова: фрэзерны станок ўнутры друкаркі зразае кожны пласт прадмета толькі пасля адпраўкі фатаграфіі на другі прынтар.
Ад карыстальніка патрабуецца толькі змясціць аб'ект у сістэму, выбраць атрымальніка і націснуць кнопку «перамясціць».
Інжынеры падкрэсліваюць, што мэта іх праекта —захаванне унікальнасць рэчаў. Знішчэнне аб'ектаў, якімі сябры абменьваюцца паміж сабою, павялічвае іх эмацыйную каштоўнасць: замест копіі атрымліваюць арыгінал.
Аднак галоўнай тэхналагічнай задачай сістэмы з'яўляецца барацьба з пірацтвам. Развіццё 3D-друку прыводзіць да таго, што схемы вырабу аб'ектаў могуць нелегальна распаўсюджвацца, а рэчы - тыражавацца. Знішчэнне арыгінала гарантуе, што рэч прадаўца (кліента інтэрнэт-крамы eBay, напрыклад) знікае адначасова з трапленнем да пакупніка.
Магчымасці доследнага ўзору пакуль абмежаваныя. «Скоці» працуе толькі з пластмасай, прычым выфарбаванай у чорны колер (для павелічэння кантраснасці). Аднак прагрэс у сферы 3D-друку павінен пашырыць асартымент прадметаў, прыдатных для такога роду тэлепартацыі.
Цяпер чытаюць
Каб не плаціць падатак на сабак, мінчукі пачалі здаваць іх у пункты адлову25
Каментары