«Барысаў-Арэна» прэтэндуе на міжнароднае званне «Стадыён года»
Сайт StadiumDB, прысвечаны спартовым стадыёнам і арэнам, намінаваў беларускі стадыён «Барысаў-Арэна» на званне «Стадыён года».
Стадыён года — гэта штогадовы конкурс, які ладзіць сайт StadiumDB. На права звацца cтадыёнам года прэтэндуюць збудаванні, уведзеныя ў эксплуатацыю ў 2014 годзе.
Кожны намінаваны стадыён можа атрымаць два прызы.
Па-першае, гэта прыз кампетэнтнага журы, якое складаецца з Боба ван Бебера (архітэктара стадыёна Soccer City у ПАР, месца фінала Кубка свету — 2010), Майка Бэла (архітэктара стадыёна Mbombela у ПАР), Джона Бонцінка (Ghelamco Arena ў Бельгіі), Бруна Кампаса (стадыён Mineirao), Браяна Ро (стадыён Aviva ў Дубліне) і румынскага архітэктара Шэрбана Ціганаша (Dico si Tiganas).
Таксама стадыён можа атрымаць прыз глядацкіх сімпатый. Любы мае права прагаласаваць за пяць самых цікавых стадыёнаў на старонцы конкурса.
«Барысаў-Арэна» — першы беларускі стадыён, які намінуецца на званне «Стадыён года».
Ён быў спраектаваны славенскай кампаніяй OFIS Arhitekti і стаў хатнім стадыёнам клуба БАТЭ. «Барысаў-Арэна» змяшчае 13 тысяч чалавек.
Усяго ў спаборніцтве ўдзельнічаюць 32 стадыёны з усяго свету.
КДБ актыўна вярбуе палітвязняў, вызваленых па памілаванні — праваабаронцы5
Каментары