У Паўночнай Карэі з'явіцца другі курорт, разлічаны на замежных турыстаў. Пра гэта паведамляе «Цэнтральнае тэлеграфнае агенцтва Карэі». Спецыяльная зона адпачынку Мубон будзе створаная недалёка ад найвышэйшай вяршыні краіны — гары Пэктусан. Адпаведны ўказ быў выпушчаны Прэзідыумам Вярхоўнага народнага сходу КНДР.
Як адзначае паўднёвакарэйскае агенцтва «Рэнхап», эксперты тлумачаць стварэнне новай турыстычнай зоны ў КНДР жаданнем уладаў прыцягнуць у краіну замежную валюту.
Першая зона адпачынку для замежнікаў у краіне была адкрытая каля гары Кымгансан ў 1998 годзе. У 2008 Паўднёвая Карэя забараніла сваім грамадзянам паездкі на курорт. Гэта адбылося пасля таго, як паўночнакарэйскі салдат застрэліў адну з турыстак, якая, шпацыруючы па пляжы, зайшла ў забароненую зону.
У пачатку лютага ўлады Кітая прапанавалі стварыць на мяжы з КНДР і Расіяй турыстычную зону. Яна зойме плошчу 10 квадратных кіламетраў на тэрыторыі кожнай з краін.
Патэнцыйна актыўны вулкан Пэктусан знаходзіцца на мяжы КНДР з Кітаем. Гара, вышыня якой складае 2774 метра, лічыцца найвышэйшым пунктам Маньчжура-Карэйскіх гор. У 1979 годзе на ёй быў створаны міжнародны біясферны запаведнік.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары