Мінаблвыканкам выдзеліў сталіцы ўчастак для стварэння новых могілак, паведаміла БелаПАН прэс-сакратар абласнога выканаўчага камітэта Галіна Трафіменка.
«Паводле просьбы мінскіх уладаў выдзелены ўчастак у 81,7 га ў вёсцы Казекава Юзафаўскага сельсавета ў Мінскім раёне», — сказала Трафіменка.
На тэрыторыі сталіцы і за яе межамі знаходзяцца наступныя могілкі: Усходнія (Маскоўскія), Паўночныя, Заходнія, Кальварыйскія, Калодзішчы, Міханавічы, Мінскі крэматорый, Сухараўскія, Чыжоўскія, Ваенныя, Уручча, Чарнігаўскія, Крупцы (Піянерскія), Пятроўшчына, Цна, Масюкоўшчына, Малы Трасцянец, Лошыца.
Дзейнічаюць толькі двое з іх — Заходнія могілкі і Мінскі крэматорый. Астатнія закрытыя, або на іх устаноўленыя абмежаванні на новыя пахаванні.
На ўсіх названых могілках пахавана звыш 360 тыс. чалавек.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары