З 23 чэрвеня з кожнага прададзенага білета на канцэрт амерыканскага панк-гурту Rise Against 50 тысяч рублёў будзе пералічвацца на будаўніцтва ў Мінскім раёне новага дзіцячага хоспіса.
Канцэрт Rise Against пройдзе 1 ліпеня ў клубе Re:public. Як адзначаюць арганізатары канцэрта, чыкагскія музыканты сталі вядомыя ў свеце дзякуючы сваім сацыяльным маніфестам і ўвазе да праблем няроўнасці ў грамадстве, беднасці, экалагічнага становішча на планеце. «Менавіта таму, даведаўшыся пра тое, што на будаўніцтва новага будынка для невылечна хворых дзяцей у Беларусі грошы збіраюць усей грамадою, Rise Against не маглі застацца ўбаку», — гаворыцца ў паведамленні.
«Я шчыра лічу, што такія ўчынкі трэба рабіць ананімна і без прыцягнення ўвагі прэсы. Спачатку мы не хацелі афішаваць гэты акт добрай волі. Даўно працуем з хоспісам і дапамагаем чым можам. Калі даведаліся, колькі сродкаў яшчэ неабходна хоспісу для завяршэння будаўнічых работ, патэлефанавалі хлопцам з Rise Against узгадніць гэту акцыю. Яны з радасцю пагадзіліся і папрасілі нас расказаць пра гэта, — растлумачыў кіраўнік канцэртнага агенцтва «Атам інтэртэймент» Андрэй Аляксееў.
Як раней паведамляў, будаўніцтва новага дзіцячага хоспісу ў пасёлку Вопытны Мінскага раёна пачалося ў 2014 годзе. У ім плануецца стварыць стацыянар на 10 месцаў — пяць ложкаў для пацыентаў з анкалагічнымі захворваннямі і пяць — для дзяцей, бацькі якіх скарысталіся паслугай сацыяльнай перадышкі, а таксама дзіцячы рэабілітацыйны цэнтр, вучэбны цэнтр для медыцынскіх работнікаў, гасцініцу для бацькоў і капліцу.
Агульны кошт праекта — 2,6 млн. долараў. Да канца мінулага года было сабрана прыкладна палова неабходных сродкаў.
Будаўніцтва праходзіць у два этапы. На першым этапе, кошт якога 1,5 млн. долараў, плануецца пабудаваць сам будынак і стварыць рэабілітацыйны цэнтр і стацыянар, на другім — адміністрацыйны блок і вучэбны цэнтр.
-
Ганна Бонд у захапленні ад канцэрта Лепса. Але пакрыўдзілася на абурэнне сваіх падпісчыкаў
-
Беларуская рэперка Мэйбі Бэйбі наведала Дзярждуму і адправіла гуманітарную дапамогу расійскім войскам
-
Каб раздаць квіткі на Шамана, падключылі райвыканкамы. А ён запісаў відэа «Привет, Белоруссия!» і спяваў гімн Расіі
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары