У Дрыбінскім раёне хлопчык пайшоў лавіць рыбу і зачапіў вудай за правады
Інцыдэнт адбыўся ў аграгарадку Кароўчына Дрыбінскага раёна. 11‑гадовы хлопчык ішоў на рыбалку з раскладзенай вудай і выпадкова дакрануўся ёй да правадоў ЛЭП, паведамляе МНС.
Здымак ілюстрацыйны
У выніку дзіця ўдарыла токам. Хлопчыка шпіталізавалі з тэрмічнымі апёкамі.
Ратавальнікі адзначаюць, што сучасныя вуды з вугляпластыку могуць праводзіць электрычнасць, таму нават занадта вялікае набліжэнне да правадоў (без прамога кантакту) можа быць небяспечным. Асабліва рызыкоўная сітуацыя ўзнікае каля вады і пры высокай вільготнасці.
У МНС нагадваюць, што лавіць рыбу паблізу ліній электраперадач забаронена, а пераносіць снасці пад правадамі трэба толькі ў складзеным выглядзе або паралельна зямлі.
Каментары