Улады Грэцыі на тыдзень адмянілі плату за праезд у грамадскім транспарце Афін.
Па словах міністра транспарту Хрыстаса Спіртзіса, жыхары горада змогуць бясплатна ездзіць на метро, аўтобусах і тралейбусах. У той жа час плату за электрычкі вырашана не адмяняць. Рашэнне ўступіць у сілу на працягу дня і будзе тычыцца толькі сталіцы краіны, бо ў іншых гарадах перавозкамі займаюцца прыватныя кампаніі.
Міністр растлумачыў, што адмена платы за праезд звязаная з прынятым раней рашэннем закрыць на тыдзень банкі і абмежаваць выдачу сродкаў праз банкаматы. Улады краіны лічаць, што ў такіх абставінах павінны па магчымасці палегчыць жыццё грамадзян.
Цяпер чытаюць
Гурт «Дразды» пакідае сцэну і вінаваціць у гэтым «гіперактыўных блогераў»3
Каментары