У Беларусі і Расіі распрацуюць штучны інтэлект з традыцыйнымі каштоўнасцямі
11 ліпеня падчас міжнароднай канферэнцыі ў межах «Славянскага базару» ў Віцебску дзяржаўны сакратар «Саюзнай дзяржавы» Беларусі і Расіі Сяргей Глазьеў заявіў, што ў планах ёсць распрацоўка ўласнага штучнага інтэлекту, які будзе грунтавацца на традыцыйных каштоўнасцях, зразумелых і блізкіх для грамадзян Беларусі і Расіі, піша БелТА.
Паводле слоў Глазьева, сучасная моладзь найчасцей карыстаецца замежнымі чат-ботамі, распрацаванымі ў ЗША ці Кітаі, і не заўсёды ўсведамляе, што змест і прынцыпы гэтых сістэм могуць уплываць на свядомасць і быць схільнымі да маніпуляцый.
Менавіта таму ў «Саюзнай дзяржаве» ставіцца задача стварыць свой, надзейны штучны інтэлект, які будзе, маўляў, адпавядаць нацыянальным і маральным каштоўнасцям і служыць інструментам для атрымання праўдзівай і аб’ектыўнай інфармацыі.
Таксама Сяргей Глазьеў адзначыў, што культурная палітыка Саюзнай дзяржавы павінна быць не фармальнай, а заснаванай на ўдзеле моладзі і спалучэнні традыцый з сучаснасцю.
На заканчэнне ён паведаміў пра ініцыятыву стварыць новы інтэрнэт-партал «Будучыню ствараем разам», дзе моладзь зможа дзяліцца сваімі ідэямі і бачаннем будучыні «Саюзнай дзяржавы».
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары