Пад Шчучынам 77-гадовая бабуля стала мамай для буслянят пасля ўрагану
У аграгарадку Васілішкі адбылася кранальная гісторыя, якая закранула сэрцы мясцовых жыхароў. Пасля моцнага ветру, які зваліў дрэва, два бусляняці, што яшчэ не ўмелі лётаць, засталіся без гнязда. Але іх лёс склаўся інакш дзякуючы звычайнай бабулі з незвычайна добрым сэрцам.
На дапамогу птушанятам прыйшла мясцовая жыхарка — Яніна Мечыславаўна Буракевіч, піша выданне «Дзянніца».
— Як жа я магла іх пакінуць? — кажа Яніна Мечыславаўна. — Яны ж зусім безабаронныя.
Цяпер пад дахам яе хлява пасяліліся два новыя жыхары — маленькія бусляняты.
77-гадовая пенсіянерка ўласнаручна зрабіла ім часовае жытло, а галоўнае — узяла на сябе клопат пра іх харчаванне.
Кожны дзень яна купляе сваім падапечным свежую рыбу, а тыя ўжо пазнаюць яе голас і радасна сустракаюць, гучна шыпячы і пішчачы пры выглядзе ежы.
Самае цікавае ў гэтай гісторыі тое, што бацькі птушанят не пакінулі іх: дарослыя буслы часта прылятаюць наведацца да малых, а непадалёк пабудавалі новае гняздо.
Хутка падрослыя бусляняты набяруцца сілы і навучацца лётаць, але сваю ратавальнiцу яны дакладна не забудуць.
Гэта гісторыя — напамін пра тое, што сапраўдная дабрыня — не ў гучных словах, а ў простых учынках.
Яніна Мечыславаўна проста не змагла прайсці міма чужой бяды. І цяпер яна — не толькі ратавалiца птушанят, але і прыклад для ўсяго аграгарадка.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?13
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары