«30 год мы захоўвалі цішыню вакол адной з нашых найбольш эфектыўных і прасунутых ваенных тэхналогій. На мінулым тыдні мы знялі пячатку сакрэтнасці і адкрылі танк Pereh (літаральна — «Дзікі») грамадству. Узброеная супрацьтанкавымі ракетамі, гэтая машына стала новай эпохай ва ўмовах гарадскога бою», — піша афіцыйны Facebook Сіл абароны Ізраіля.
Баявая машына была распрацаваная ў 1980-я гады на шасі амерыканскага танка М60 Patton, але мела іншую павялічаную вежу толькі з макетам гарматы. Замест галоўнага ўзбраення на ім паставілі ракетныя комплексы Tamuz (на міжнародным рынку — Spike NLOS), якія могуць выкарыстоўваць таксама і супрацьпяхотныя боепрыпасы.
Гэтыя комплексы не патрабуюць бачыць праціўніка і фактычна з'яўляюцца кіраванымі высокадакладнымі тактычным ракетамі з дальнасцю бою да 25 км.
Вялікія сталёвыя скрыні за і над вежай танка — якраз змяшчаюць 12 такіх 70-кілаграмовых ракет.
У апошнія гады ў інтэрнэце з'явілася некалькі фота гэтых машын, аднак да апошніх дзён блогерам і аналітыкам заставалася толькі ствараць тэорыі адносна таго, чым на самой справе займаюцца «дзікія» ізраільскія танкі.
Такім чынам, групы Pereh фактычна ўяўляюць з сябе батарэі высокадакладных тактычных ракетных комплексаў, здольных падтрымліваць свае танкі і пяхоту па-за лініяй далягляду ці пры патрэбе наўпрост на полі бою.
Цяпер чытаюць
Арыштаваны 75‑гадовы Зміцер Санько — ветэран-выдавец2
Каментары