У бягучых эканамічных умовах у краінах Еўразійскага эканамічнага саюза (ЕАЭС) важна не дапусціць так званай турбулентнай дэвальвацыі, сысці ад спакусы стварыць для сябе кароткатэрміновую перавагу ў знешнім гандлі за кошт паслаблення нацыянальнай валюты. Такую заяву зрабіў прэм'ер-міністр Расіі Дзмітрый Мядзведзеў на пашыраным пасяджэнні Еўразійскага міжурадавага савета 8 верасня ў Гродне.
«Гэты шлях небяспечны і можа разбалансаванасць цэлы шэраг галін эканомікі», — дадаў ён.
Паводле Мядзведзева, бягучая эканамічная сітуацыя больш складаная ў параўнанні з той, у якой ствараўся ЕАЭС.
«Становішча ў сусветнай эканоміцы з'яўляецца складаным і не магчыма да канца яго пралічыць, існуе турбулентнасць на фондавых рынках і рынках капіталу ў цэлым шэрагу краін, такіх як Кітай, еўрапейскі рынак», — адзначыў кіраўнік урада РФ.
«На эканоміцы Расійскай Федэрацыі акрамя гэтых фактараў адбіваецца санкцыйны ціск, у вялікай нявызначанасці застаецца рынак вуглевадародаў. Такім чынам, валацільнасць на фінансавых і таварных пляцоўках з'яўляецца ключавым фактарам новага эканамічнага жыцця. Мы абавязаныя гэта ўлічваць пры вызначэнні нашай уласнай палітыкі», — заявіў Мядзведзеў.
Усе гэтыя фактары, паводле яго, ствараюць дадатковыя рызыкі для нацыянальных эканомік. Для нармалізацыі дзелавой актыўнасці і вяртання інвестараў «спатрэбіцца час», сказаў Мядзведзеў. Разам з тым, лічыць ён, «гэта добры стымул для кансалідацыі сіл і аб'яднання дзеянняў».
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары