З 15 кастрычніка праз пункты спрошчанага пропуску забараняецца увозіць у краіну алкаголь у багажы
Фота Станіслава Каршунова, Tut.by
Дзяржаўны мытны камітэт унёс змяненне ў пералік тавараў для асабістага карыстання, якія фізічныя асобы могуць увозіць і вывозіць з Беларусі праз пункты спрошчанага пропуску у суправаджаным багажы. Адпаведная пастанова апублікавана сёння на Нацыянальным прававым інтэрнэт-партале.
У прыватнасці, з 15 кастрычніка забараняецца ўвозіць у краіну алкагольныя напоі і піва. Пры гэтым, іх па-ранейшаму можна вывозіць. Алкаголь — не больш за 1 літра на аднаго чалавека, якi дасягнуў 18-гадовага ўзросту, а таксама піва — не больш за 2 літраў на адну фізічную асобу, якая дасягнула паўналецця.
— Гэтая мера накіравана на спыненне фактаў ўвозу фізічнымі асобамі алкагольнай прадукцыі для яе ўключэння ў незаконны эканамічны абарот з прычыны адсутнасці мытнага кантролю ў пунктах спрошчанага пропуску праз Дзяржаўную мяжу Беларусі, —пракаментавалі змены ў ДМК.
Цяпер чытаюць
«У палітыцы была справа». Лукашэнка высветліў, чаму беларусам не хапіла бульбы7
Каментары