16 лістапада а 18.30 ў Доме правоў чалавека ў Вільні адбудзецца прэзентацыя кнігі Віктара Марціновіча «Радзіма. Марк Шагал у Віцебску». Арганізатарам мерапрыемства з’яўляецца Студэнцкае прадстаўніцтваЕўрапейскага гуманітарнага універсітэта пры падтрымцы Беларускага Дома правоў чалавека.
Чарговая кніга знакамітага беларускага празаіка стала вынікам яго напружанай 15-гадовай працы. Асновай твора з'яўляецца супярэчлівая гісторыя выбітнага мастака ХХ стагоддзя Марка Шагала. Працэс напісання кнігі складаўся з шматгадовых даследаванняў Віцебскай мастацкай школы, ўсебаковага аналізу фактычнага матэрыялу з архіваў і біяграфічных дадзеных пра жыццё аднаго з самых яркіх ураджэнцаў Беларусі.
Марк Шагал амаль усё сваё жыццё правёў у эміграцыі, ствараючы свае шэдэўры, прасякнутыя беларускімі матывамі, за межамі краіны. Кніга «Радзіма. Марк Шагал у Віцебску» канцэнтруецца менавіта на «віцебскім» перыядзе жыцця мастака (1914-1915 гг., 1918-1920 гг.).
Незразуметы і непрыняты суайчыннікамі пры жыцці, эксперыментатар пакінуў пасля сябе спадчыну, якая цяпер на яго малой радзіме лічыцца беларускай. Адно з цэнтральных пытанняў, паднятых ў кнізе Марціновіча: чаму мы не цэнім сваё і чаму нашы таленавітыя землякі не знаходзяць прызнання на Радзіме?
Віктар Марціновіч - беларускі мастацтвазнаўца і публіцыст, аўтар нашумелых раманаў «Параноя», «Сцюдзёны вырай», «Сфагнум», «Мова». У 2008 годзе літаратар абараніў доктарскую дысертацыю на тэму «Віцебскі авангард (1918-1922): сацыякультурны кантэкст і мастацкая крытыка» ў Віленскай Акадэміі Мастацтваў. Пісьменнік таксама з'яўляецца выкладчыкам Еўрапейскага гуманітарнага ўніверсітэта і актыўна супрацоўнічае з ім, у тым ліку рэгулярна праводзіць лекцыі, майстар-класы і прэзентацыі.
16 лістапада чытачы атрымаюць унікальную магчымасць сустрэцца з Віктарам Марціновічам асабіста і сфармаваць сваё бачанне закранутай праблемы.
Усіх, хто жадае прыйсьці, просім зарэгістравацца па адрасе [email protected]
Каментары