Вадзім Мароз заключыў кантракт з «Ютай».
Агент Дэн Мільштэйн паведаміў, што беларускі форвард Вадзім Мароз узгадніў умовы двухгадовага кантракту з камандай «Юта Мамант» Нацыянальнай хакейнай лігі. Яго кантракт будзе дзейнічаць да сезона 2027/28, піша «Беларускі хакей».
Вадзім гуляў за мінскае «Дынама» з лета 2022 года. У мінулым рэгулярным чэмпіянаце КХЛ 22‑гадовы хакеіст правёў 54 матчы і набраў 29 (14+15) балаў пры паказчыку карыснасці +4. У плэй-оф на яго рахунку 8 гульняў і 2 (1+1) балы пры карыснасці +1.
На драфце НХЛ 2023 года Мароз быў абраны клубам «Арызона Каётс» (зараз — «Юта») пад агульным 88‑м нумарам.
Калі Вадзім загуляе за «Юту», а не будзе адпраўлены ў фарм-клуб, то можа стаць 22‑м беларусам у наймацнейшай хакейнай лізе свету з 1992 года.
Яго заробак у НХЛ складзе адзін мільён даляраў у год.
У красавіку кантракт з «Нэшвілам Прэдатарз» заключыў Віталь Пінчук, але не дэбютаваў — сезон у НХЛ пачынаецца ў кастрычніку. У маі гэтага года кантракт з «Ютай» заключыў Ягор Борыкаў, але, натуральна, таксама пакуль не дэбютаваў.
У сезоне 2025‑2026 у НХЛ згулялі васьмёра беларусаў:
Аляксей і Ілля Протасы («Вашынгтон»), Ягор Шаранговіч («Калгары»), Мікіта Талапіла («Ванкувер»), Аляксей Коласаў («Філадэльфія»), Уладзіслаў Калячонак («Далас»), Арцём Леўшуноў («Чыкага»), Ілля Салаўёў («Пітсбург»).
Беларуска ўладкавалася ў кандытарскую краму. Але высветлілася, што за наведванне туалета ёй трэба плаціць1
Каментары