Апазіцыя мае здабыць большасць галасоў у нацыянальнай асамблеі Венесуэлы па выніках выбараў, якія пройдуць на выходных, піша The Guardian.
Супернікі кіруючай партыі, паводле апытанняў, прэтэндуюць на перамогу ў большасці акругаў з перавагай у 25—30%, нягледзячы на выкарыстанне ўладамі адміністрацыйнага рэсурсу, нядопуск апазіцыі да дзяржаўных СМІ і гвалт.
Папярэднія выбары адбыліся ў 2010 годзе яшчэ пры жыцці Уга Чавэса. Кіруючую Адзіную сацыялістычную партыю Венесуэлы ўзначальвае прэзідэнт Нікалас Мадура.
Падзенне папулярнасці кіруючай партыі звязана з цяжкім эканамічным крызісам, які перажывае краіна. У верасні прэзідэнт Нікалас Мадура праводзіў сустрэчу з Уладзімірам Пуціным, лідэры дзвюх краін абмяркоўвалі магчымыя меры для стабілізацыі сусветных коштаў на нафту.
Улады краіны ствараюць шматлікія перашкоды для апазіцыі, у прыватнасці, аднаму з палітычных лідараў краіны Марыі Карыне Мачадо забаранілі займаць дзяржаўныя пасады. Папулярны палітык Леапольда Лопес адпраўлены ў турму на 13 гадоў. Мэр Каракаса Антоніа Ледэсма знаходзіцца пад хатнім арыштам па абвінавачванні ў змове.
Цяпер чытаюць
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары