У выніку страляніны ў сярэдняй школе ў канадскай правінцыі Саскачаван, паводле ўдакладненых звестак, загінулі чатыры чалавекі. Раней прэм'ер-міністр Канады Джасцін Трудо паведамляў пра пецярых загінулых.
«На дадзены момант загінулі чатыры чалавекі», — заявіла прадстаўнік канадскай паліцыі Марын Леві. Пры гэтым яна не ўдакладніла колькасць параненых. Па словах Трудо, іх было двое.
Па інфармацыі паліцыі, падазраваны ў стральбе мужчына затрыманы і змешчаны пад варту.
Паведамленні пра стральбу ў школе індзейскага пасёлка Ла-Лочэ, пераважна са слоў відавочцаў, пачалі паступаць у ноч на суботу.
«Я выбег са школы, — распавёў Наэль Дэзжарле, вучань старэйшых класаў. — Вакол ўсе крычалі, я чуў шэсць ці сем стрэлаў ўнутры. Калі я выбраўся на вуліцу, я пачуў новыя стрэлы».
Выконваючы абавязкі мэра паселішчы Кевін Жанв'е заявіў, што адной з ахвяраў нападніка стала яго 23-гадовая дачка Мары, якая працавала настаўніцай у школе.
Ён таксама сказаў са спасылкай на паліцыю, што стралок спачатку дома застрэліў двух братоў, а пасля гэтага пайшоў у школу.
Большасць жыхароў пасёлка Ла-Лочэ складаюць канадскія індзейцы. Усяго там пражываюць тры тысячы чалавек.
Цяпер чытаюць
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1
Каментары