У Беларусі плануецца пачаць вытворчасць сыроў з белай цвіллю, паведаміў 19 лютага на прэс-канферэнцыі ў Мінску дырэктар РУП «Інстытут мяса-малочнай прамысловасці» Аляксей Меляшчэня.
Ён нагадаў, што ў краіне ўжо наладжаны выпуск сыроў з блакітнай і зялёнай цвіллю на базе Нарачанскага філіяла Маладзечанскага малаказавода. Пры гэтым, паводле слоў спецыяліста, попыт на такую прадукцыю ўнутры краіны не вельмі высокі, яна ў асноўным экспартуецца ў Расію.
«У Беларусі попытам карыстаюцца класічныя сыры («Расійскі»,»Галандскі») з тэрмінамі выспявання 30—60 дзён. У Еўропе ж большай папулярнасцю карыстаюцца мяккія сыры, якія блізкія да нашага тварагу», — адзначыў спецыяліст.
Па структуры перапрацоўкі малака Беларусь набліжаецца да Еўропы: каля 40% ідзе на вытворчасць сыроў, 30% — натуральнамалочнай прадукцыі, 30% — сухіх малочных прадуктаў.
Меляшчэня таксама распавёў, што інстытут займаецца распрацоўкай новых відаў масла 92—94%, але папулярнасцю ў спажыўцоў карыстаецца масла 72,5% і 82%. «Мы распрацоўваем і прапаноўваем прадпрыемствам шмат відаў малочнай прадукцыі. Я лічу, што нашым прадпрыемствам трэба мець шырокую лінейку прадукцыі, каб займаць з ёй новыя нішы, у тым ліку ў Расіі і на іншых рынках», — адзначыў Меляшчэня.
Ён падкрэсліў, што стандарты на вытворчасць малочнай прадукцыі ў Беларусі гарманізуюцца з еўрапейскімі. «Пакуль мы трохі ад еўрапейскіх стандартаў на сыравіннае малако адстаем, адпавядаем толькі па малаку экстра. Разам з тым мы больш не ўжываем для перапрацоўкі малако негатунковае і II гатунку, — паведаміў дырэктар інстытута. — За 15 гадоў нашы прадпрыемствы прайшлі мадэрнізацыю і шэраг з іх не саступаюць заводам у Літве ці Эстоніі, а некаторыя і пераўзыходзяць».
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары