Дзве работніцы Слаўгарадскага гандлёвага ўнітарнага прадпрыемства былі шпіталізаваны 21 красавіка ў выніку атручвання чадным газам на вытворчасці.
Як паведамілі ў Магілёўскім абласным упраўленні МНС, паведамленне аб экстранай шпіталізацыі жанчын 1971 і 1984 гадоў нараджэння паступіла ў сярэдзіне дня з Слаўгарадскай цэнтральнай раённай бальніцы. Пацярпелыя ў стане сярэдняй цяжкасці былі накіраваны ў палату інтэнсіўнай тэрапіі.
«У ходзе праверкі ўстаноўлена, што на прыватным гандлёвым унітарным прадпрыемстве па выпечцы хлебапрадуктаў праводзілася выпечка хлеба. На змене працавалі чатыры жанчыны. Праз некаторы час у іх пагоршылася самаадчуванне, і яны выклікалі хуткую медыцынскую дапамогу», — расказалі ва ўпраўленні, адзначыўшы, што стан двух іншых работніц нармальны і ім не спатрэбілася шпіталізацыя.
Каментары