19-гадовы беларускі абаронца «Чыкага Блэк Хоўкс» Арцём Леўшуноў сёння ў матчы супраць «Каларада Эвэланш» дэбютаваў у Нацыянальнай хакейнай лізе (НХЛ). Арцём стаў 17-м беларусам, які згуляў у НХЛ з 1992 года.
Арцём гуляў у трэцім звяне, правёў на лёдзе 20:55 (1:15 у большасці, 0:02 у меншасці), нанёс 5 кідкоў (2 міма), зрабіў 2 блокі і зарабіў паказчык карыснасці «-1».
Што праўда, «Чыкага» прайграла 0:3.
Арцём стаў 17-м беларусам у НХЛ з 1992 года, а таксама шостым беларусам, які згуляў у гэтым сезоне НХЛ.
У гэтым сезоне ў наймацнейшай лізе свету выступілі пяць беларусаў: брамнік Аляксей Коласаў («Філадэльфія»), абаронцы Уладзіслаў Калячонак («Пітсбург») і Ілля Салаўёў («Калгары»), а таксама форварды Аляксей Протас («Вашынгтон») і Ягор Шаранговіч («Калгары»).
Леўшуноў заключыў кантракт з «Чыкага» летам мінулага года, але з таго часу выступаў за фарм-клуб «Чыкага» ў Амерыканскай хакейнай лізе (другая па значнасці ў Канадзе і ЗША) — «Рокфард Айсхокс». Правёў за той клуб 22 гульні, закінуў пяць шайбаў і зрабіў 17 галявых перадачаў.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах1
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары