Задача захавання фінансавай стабільнасці выходзіць на першы план, заявіў старшыня праўлення Нацыянальнага банка Павел Калаўр на прэс-канферэнцыі 6 мая ў Мінску.
Сітуацыя ў рэальным сектары эканомікі няпростая, што адлюстроўваецца на стане банкаўскай сістэмы, сказаў ён.
Прыблізна 30% прадпрыемстваў, згодна са звесткамі апошняй справаздачнасці, маюць страты. «Сітуацыя ў рэальным сектары прыводзіць да росту праблемных актываў. Доля такіх актываў у першым квартале павялічылася з 6,8 да 11,5% на 1 красавіка. Гэтая тэндэнцыя аказвае павышаны націск на банкі», — сказаў Калаўр.
Кіраўнік Нацбанка паведаміў, што ў красавіку падчас візіту місіі МВФ і Сусветнага банка вывучалася сітуацыя ў фінансавым сектары. «Праведзенае намі абследаванне сумесна з замежнымі экспертамі паказвае на магчымы рост праблемных даўгоў, аднак гэтая сітуацыя кіраваная», — лічыць Калаур. Пры гэтым ён адзначыў, што зараз міжнародныя аўдытарскія кампаніі праводзяць незалежную ацэнку якасці актываў беларускіх банкаў. «Вядзецца праца, такім чынам, па выяўленні схаваных рызык у банкаўскай сістэме», — сказаў кіраўнік Нацбанка. Вынікі незалежнай ацэнкі могуць з'явіцца ў ліпені.
У якасці адной з мер, скіраваных на забеспячэнне стабілізацыі банкаўскага сектара, Калаур назваў працу па стварэнні спецыялізаванага агенцтва. «Нацбанк і ўрад ўнеслі прапанову па ачыстцы асобных банкаў ад «таксічных» актываў. У краіне павінна быць створанае спецыялізаванае агенцтва, якому такія актывы могуць быць перададзеныя», — лічыць Калаўр.
Паралельна з гэтым, дадаў ён, у мэтах забеспячэння фінансавай стабільнасці ўласнікі банкаў прапрацоўваюць пытанне аб дакапіталізацыі банкаў «там, дзе гэта неабходна».
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ22
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары