На Youtube з'явіўся запіс скачка, які амерыканскі скайдайвер-экстрэмал Люк Эйкінс здзейсніў без парашута з вышыні 7,6 кіламетра. 30 ліпеня ён стаў першым чалавекам у свеце, якому ўдалося паставіць рэкорд, перадае Associated Press.
42-гадовы мужчына скокнуў з лёгкаматорнага самалёта над горадам Сімі-Вэлі (штат Каліфорнія). Праз дзве хвіліны вольнага палёту ён прызямліўся на сетку, якая была нацягнута над зямлёй на вышыні 20-павярховага дома.
Трук 42-гадовага спартоўца, які рыхтаваўся два гады, паказаў у жывым эфіры тэлеканал Fox News.
У ходзе выпрабаванняў па скіданні манекенаў на сетку з самалёта, адна з мадэляў — 91-кілаграмовы манекен - прарваў яе.
Гільдыя кінаакцёраў патрабавала ад каскадзёра, каб ён адзеў парашут, але ён адмовіўся, паколькі ранец за плячыма рэзка павялічыў бы яго масу.
Разам з ім скакалі тры парашутысты, адзін з якіх здымаў яго на камеру, другі трымаў дымавую шашку, якая была бачная з Зямлі, а трэці - каністру з кіслародам. Затым усе яны адкрылі парашуты і адарваліся ад Эйкінса, па зразумелых прычынах які ляцеў уніз куды хутчэй.
Эйкінс — парашутыст ў трэцім пакаленні. За сваё жыццё спартсмен здзейсніў больш за 18 тысяч скачкоў з парашутам. Ён трэніруе як пачаткоўцаў, так і дасведчаных каскадзёраў, і выконвае трукі ў кіно.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты10
Каментары