Ён кіруе кампаніяй «Нафтагаз Украіны».
Прэзідэнт Украіны Уладзімір Зяленскі ў рамках ініцыятывы па змяненні складу ўрада ўнёс у Вярхоўную Раду афіцыйную. прпапанову аб прызначэнні Сяргея Карэцкага на пасаду прэм'ер-міністра Украіны. Пра гэта паведаміў старшыня Вярхоўнай Рады Руслан Стэфанчук, піша УНІАН.
Стэфанчук удакладніў, што парламент разгледзіць гэтае прадстаўленне ў найбліжэйшы час у адпаведнасці з устаноўленай працэдурай.
Раней Зяленскі заявіў, што па выніках праведзеных кансультацый Сяргей Карэцкі з'яўляецца найбольш прыдатным кандыдатам на пасаду прэм'ер-міністра. Паводле слоў кіраўніка дзяржавы, ключавым заданнем новага ўрада павінна стаць падрыхтоўка краіны да зімовага перыяду.
Карэцкі раней не займаў пасад ва ўрадавых органах, хоць кіраваў дзяржаўнымі карпарацыямі і энергетычнай кампаніяй. Там ён, нібыта, «паспеў праявіць сябе як паспяховы антыкрызісны кіраўнік».
Сяргей Карэцкі нарадзіўся ў Луцку ў 1978 годзе. Першыя сур'ёзныя пасады займаў у групе кампаній «Кантыніум». Быў памочнікам суўладальніка кампаніі і народнага дэпутата ад фракцыі «За адзіную Украіну» Ігара Ерамеева. У 2006 годзе абодва былі ў спісе кандыдатаў у парламент ад «Народнага блока Літвіна», аднак Карэцкі займаў непраходнае месца ў канцы спісу.
У 2013 годзе ён перайшоў на пасаду генеральнага дырэктара сеткі АЗС WOG, якая належала «Кантыніуму».
У вялікі бізнеэс ён вярнуўся пасля таго, як дзяржава нацыяналізавала кампаніі «Укрнафта» і «Укртатнафта». Ён узначаліў абедзве кампаніі і, як сцвярджаюць суразмоўцы выдання, паспяхова працаваў на гэтых пасадах
У пачатку 2025 года Карэцкі падаў сваю кандыдатуру на пасаду кіраўніка «Нафтагаза» і перамог у конкурсе. Пад яго кіраўніцтвам кампанія, якая толькі што прайшла цяжкі ацяпляльны сезон 2024—2025 гадоў, пачала назапашваць газ на наступную зіму. Карэцкі таксама адказваў за пошук крэдытораў для гэтага.
Зяленскі прапаноўваў яму ўзначаліць Міністэрства энергетыкі ў разгар скандалу вакол справы «Мідас»,. Аднак Карэцкі адмовіўся, пераканаўшы прэзідэнта, што яму варта застацца ў «Нафтагазе» напярэдадні зімовага сезона.
Міністэрства абароны павінен узначаліць міністр унутраных спраў Ігар Кліменка, а МУС замест яго — цяперашні кіраўнік Нацыянальнай паліцыі Іван Выгоўскі.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары21
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
Для этого и объединяют, под одной крышей, все силовые структуры, которые наносят дальнобойные удары вглубь России, так проще, вывести из-под удара, всё хозяйство Абрамовича.....