Стала вядома, у якую ВНУ паступіла дачка Віктара Лукашэнкі Валерыя
Рэпетытарка пахвалілася ў Threads поспехамі сваіх вучняў, што паступілі на мэтавае навучанне ў медычныя ўніверсітэты краіны.
У адным са спісаў побач з імем вызначанай жанчынаю абітурыенткі нечакана знайшлося прозвішча Валерыі Лукашэнка, заўважыў «Белсат».
Валерыі, малодшай дачцэ Віктара і Ліліі Лукашэнак, цяпер 17 гадоў. Сёлета яна якраз павінна заканчваць школу.
Такім чынам, Валерыя будзе знаходзіцца на мэтавым навучанні ў Беларускім дзяржаўным медычным універсітэце. Мэтавае навучанне — гэта калі абітурыент паступае асобным конкурсам, але пасля мусіць адпрацаваць мінімум 5 гадоў ва ўстанове, што дала накіраванне.
Каб паступіць у медуніверсітэт на «мэтавае», трэба здаць адзін вусны экзамен па біялогіі, да яго дадаецца бал атэстату. Ва ўнучкі Лукашэнкі балы максімальныя (200).
Цяпер чытаюць
Былы міністр культуры Руслан Чарнецкі знайшоў сабе падпрацоўку9
Каментары
[Зрэдагавана]